Inísiu-Meia Fulan Agostu 2023, Sentru Saúde RAEOA Rejista Às Moras ISPA
Naunil Media (Oe-Cusse), Diretora Servisu Sentru Saúde Rejional Rejiaun Administrativa Espesial Oo-Cusse Ambeno (RAEOA), Lolita Lay Dos Santos, afirma, moras Infeksaun Respiratóriu Agudu (ISPA), rejista às durante inísiu to’o meia fulan Agostu tinan 2023 ne’e Sentru Saúde RAEOA.
“Moras ISPA ne’e kauza husi rai rahun, tanba agora tama ona bain loron, moras ida ne’e akontese no númeru sempre sae iha sentru saúde sira”, Diretora Servisu Saúde RAEOA ne’e ba jornalista sira, iha servisu fatin Vila Oe-Cusse, Tersa (15/08).
“Hanesan profesionl saúde kontinua husu ba komunidade sira atu halo prevensaun. Moras ISPA ne’e depende ba ema ida-idak nia imunidade, maibe moras ida ne’e la dun grave ba ita nia isin, ita mear, inus metin, isin manas, maibe mesak lakon deit”, tenik Diretora ne’e.
Nia esplika, kategoria tama moras grave mak moras fuan, moras ne’e dala barak afeita liu ba ema ki’ik no ema Indultu sira.
“Rejistu moras barak, hanesan diaria, hipertensaun, moras dengue maibe nia numeru maka’as liu mak ISPA”. Dehan nia
Ikus Diretora ne’e relata, RAEOA iha Sentru Saúde hamutuk lima, postu saúde hamutuk 20, numeru pesoal saúde sira mos natón para atu halo atendimentu ba pasiente sira. Ana