Lansamentu Kompetisaun Ba Youtober, SEKOMS Garante, Bele Lori TL Ba Mundu
Naunil Media(Dili), Sekretariu Estadu Komunikasaun Sosíal (SEKOMS), Mericio Juvinal dos Reis “Akara” halo lansamentu ba kompetisaun YOUTUBER Timor-Leste, hodi promove no dezemvolve Joventude sira nia kriatividade, hodi promove Timor Ba mundu.
Membru governu ne’e deklara Objetivu prinsipal hosi Lansamentu ne’e hodi fo oportunidade ba Joventude sira oinsá atu hatudu sira nia kriatividade liu husi era globalizasaun ida agora.Tanba Tuir Survey hatudu ema barak liu iha mundu uza Facebook,YouTube,WhatsApp,Manseger.
“Tanba ne’e mak ha’u la hakfodak, iha Timor ita-nia parte saúde sira hahú ativu iha YouTube tanba iha mini Global ne’e indikativiu, Ita iha nasaun kiik ita la iha forsa atu atinji ita aproveita media atu transmiti mos ita nia matenek no joven sira nia Kriatividade, tanba Selesaun Yotuber ne’e ita nia misaun atu lori ita nia nasaun Timor Leste ida ne’e ba mundu atu atinji hanesan ho mundu seluk ho potensia kostumer ita nia nasaun nian iha Setor turizmu, arte no ita nia intervensaun di’ak sira nomós inspira nasaun seluk”, Akara informa hafoin halo lasamnetu iha palasiu Governu kinta (17/06).
Nia akresenta, joven sira nia Kriatividade bele ajuda governu oinsa mak bele promove Timor Ba mundu, liu hosi Kriasaun Video.
Iha fatin hanesan, asesoria politika estratejia komunikasaun Sosial Eugenia Maria de Sousa Ribeiro iha nia introdusaun deklara kompetisaun ba youtuber ne’e, atu dezemvolve joven sira-nia plataforma.
“Produsaun vidio ne’e sei foku ba promosaun area kombate Hoax, promove internet saudavel, kampaña vasinasaun, Turismu, arte no kultura iha Timor-Leste”, nia hateten
Turi nia Produsaun ba video refere ho nia durasaun minimu minutu 2, masimu minutu 5, submisaun ba produsaun hirak ne’e hahu simu iha loron 27 fulan junu to’o loron 9 fulan jullu tinan 2021, liu hosi gmail, mediagabintesecoma@gmail.com ho formatu Google drive.
“Rezultadu kompetisaun sei anunsia iha loron 18 fulan jullu no serimonia entrega premiu ba manan nain sira iha loron 20 fulan Jullu tinan 2021”,
Aleinde ne’e koordenador Youtuber Timor-Leste Abrão Monteiro deklara, ejistensia husi kompetisaun youtuber ne’e ajuda ema atu bele hetan lukru ruma hodi bele fasilita sira nia nesesidade ne’ebe presija.
“kompetisaun youtuber ne’e hamrik ami seidauk iha ejistensia no seidauk iha kompetisaun ruma, maibe bainhira ami kuandu hamrik ami hanoin oinsa maka ita-nia ejistensia youtuber sira durante iha tiha ona ne’e, bele mos hetan lukru ruma”,nia esplika
Nia akresenta, hakarak konvida foinsa’e sira hotu hodi bele promove sira-nia kapasidade ne’ebe maka iha.
“Ha’u konvida joven hotu-hotu para bele mai tuir kompetisaun ida ne’e, hodi esplora ita-bo’ot sira-nia skill Ne’ebe maka iha”, koordenador ne’e informa.”
Tuir deklarsaun ba manan na’in Primeiru Lugar sei hetan osan US$1000. segundu lugar US$750.00, terseiru US$500.00, kuartu US$400.00 no kintu US$350.00.
Tuir dadus populsaun Timor Leste atinji 1,3 Mill mak uza rede internet.Nune tuir Mini Global 7.8 milloes populasaun Mundu tomak ne’ebe uza internet ne’e kuaze 4.6 Billoes, husi ida ne’e numeru ne’ebé ativu iha media sosial 4.20 milhoes mak ativu signifika plataforma digital media sosial ne’e kuaze atu domina iha mundu. Nune kada tinan ema ne’ebe uza media sosial ne’e kontinua aumenta.RIT
