CNRT, Konsidera MAP Faila Hasa’e Kualidade Kafe
Naunil Média (Díli), Deputadu bankada Congresso Nacionál de Reconstrução de Timór (CNRT), Domingos Lopes Lemos, Konsidera Ministériu Agrikultura no Peskas (MAP) faila hasa’e kualidade produsaun kafé iha Munisípiu Ermera.
Nia hateten, Iha tinan kotuk (2020) iha plenária ida ne’e ha’u iha komparasaun ida se reabilitasaun kafé di’ak liu fó ba CCT ho NCBA duké ita boot sira.
Tanba CCT ho NCBA, nia preparasaun ba kafé ne’e di’ak liu, fó ona nia produsaun di’ak, mak sira foin entrega ba komunidade.
“ No ita-boot sira nia programa ne’ebé mak iha agora dadauk ne’e, ita-boot sira ba observa iha Ermera Kafé komesa menus ba dadauk ona”, Dehan Deputado,iha Parlamentu Nasionál (PN), segunda (15/11).
Deputadu ne’e kresenta, tanba programa espansaun no reabilitasaun planta kafé ne’ebé mak Governu prevé iha OJE 2021 atu hasa’e produsaun kafe iha Munisipiu Ermera.
” Programa ne’ebé mak iha agora dadauk ita-boot sira ba observa iha Ermera Kafé komesa menus ba dadauk, tesi tiha soe tiha, mai tan Dili labele halo manutensaun ida di’ak, problema prezudika ba agrikultór sira.
Nia hatutan, Liga ba kestaun produsaun kafé ne’e, iha tinan 2020 katak reabilitasaun kafe di’ak liu fó ba kompaña CCT ho NCBA tanba sira-nia preparasaun kafe ne’e di’ak, no lahanesan ho MAP
“ Tanba ne’e, husu ba MAP la presiza tau osan ba programa ida ne’e iha OJE 2022, atu nune’e fó oportunidade ba kompaña CCT ho NCBA, bele halo produsaun.
Bainhira kompaña CCT ho NCBA produz de’it hektare lima mós laiha problema, importante mak prepara kondisaun ne’ebé di’ak atu hasa’e kualidade kafe hanesan tinan hirak liu bá.Ana
