Armanda Berta: KHUNTO Preparadu Ba Eleisaun Prezidensiál
Naunil Media (Díli), Prezidenti Partidu Knanek Haburas Unidade Nasionál Timor Oan (KHUNTO), Armanda Berta do Santos hateten, Partidu KHUNTO prontu no preparadu atu tuir eleisaun prezidensiál.
“Ita preparadu maibé data seidauk fó sai ne’e Prezidenti dekreta ona partidu KHUNTO mós prontu atu bele partisipa”, Dehan Prezidenti partidu KHUNTO Armanda Berta ba jornalista sira hafoin enkontru ho Prezidenti Repúblika (PR) Francisco Guterres Lú Olo iha Palásiu Prezidensiál Nicolau Lobato Bairru Pite, Sexta (07/01).
Prezidente Partidu KHUNTO ne’e hatutan, Ohin mai rona de’it desizaun ne’ebé mak prezidenti Repúblika atu dekreta loron eleisaun nian, tanba ida ne’e mak partidu KHUNTO mós mai partisipa tuir konvite ne’ebé iha, desizaun saida de’it mak prezidente atu foti kona-bá eleisaun prezidensiál.
Nia dehan, Husi ponto de vista partidu KHUNTO nian mak importante kona-bá desizaun saida de’it mak prezidenti Repúblika foti, partidu KHUNTO fó apoiu ba desizaun ne’ebé Prezidenti foti liuliu kona-ba data eleisaun prezidensiál nian.
Jornalista *Jos
Editor Lop
