UPF Prende Mina Tonelada 2 Iha Tilomar-Covalima
Naunil Media (Covalima), Unidade Polísia Fronteira (UPF) hosi Companhia Bravo-Suai, halo vijilánsia hodi kaptura timor-oan nain-1 ho karreta kamioneta ida, hatama mina ilegál liu hosi fronteira Indonézia mai Timor-Leste (TL), iha area Damuk, Aiteka-Laran, Aldeia Wetaba, Suku Beiseuk, Postu-Administrativu Tilomar, Munisípiu Covalima.
Komandante Euclides Belo, hateten oras ne’e daudaun suspeitu ho evidensia UPF entrega ona ba Servisu Investigasaun Kriminal Komandu PNTL Covalima hodi halo prosesu investigasaun.
“Horikalan iha oras tuku 1 kalan ami-nia membru UPF halo operasaun lao ain no prende karreta tipu baskolante ida ho xapa matrikula A. 53.588 no detein joven mane nain-1 ho inisial OdC, tinan 37 husi Salele-Wetaba, Suku Beiseuk, Postu Tilomar ne’ebé hatama kombustivel illegal hanesan Gazolina 35ltr masa 40, Gazoel 35ltr masa 31,ho total 2480 ltrs (2ton+)”, dehan, Euclides Belo, Kinta (04/08).
Nia afirma, iha loron tersa tuku 9 kalan ekipa servisu sekreta UPF Mota-Ain halo aprensaun ba ró bero ida transporta gazolina masa 35ltr hamutuk masa 11 iha tasi ibun Batugade, agora evidensia aguarda iha komandu UPF no sei halo prosesu hodi entrega ba Komandu Munisipiu Bobonaro”,hakotu nia. */Ana
