Atleta Xadrez Aprezenta Rezultadu Kompetisaun Iha India Ba SEJD

Naunil Media (Díli), Sekretáriu Estadu Joventude no Desportu (SEJD) Abrão Saldanha  informa, Ohin Atleta Xadrez aprezenta sira nia rezultadu kompetisaun iha Índia ba SEJD

“Ohin simu kontizente husi Atleta Xadrez ne’ebé ba partisipa Sea Olimpia iha Índia, mai aprezenta fali prestasaun ou rezultadu sira nia partisipasaun, ho orgullu rona katak, atleta mane na’in ida hetan fide master, feto na’in ida hetan kandidatu master, no feto na’in ida tan iha hela prosesu atu desidi ninia statutu kandidatu master, no iha mane ida nafatin mantein kandidatu master”, dehan Sekretáriu Estadu Juventude no Desportu (SEJD) ba jornalista iha salaun SEJD, Kuarta (17/08).

Sekretáriu estadu ne’e hatutan, Kona-bá fasilita atleta ne’ebé iha prestasaun ne’e ita buka tempu, hodi buka dalan oinsa mak bele fasilita.

Enkuantu apresisaun ne’e hanesan komisaun nasionál desidi ona katak, ida ne’e hanesan rekoñese prestasaun nasionál kuandu apresia mak dehan forma apresisaun ne’e bele fó bonus, bele mós buka dalan ba sira eskola, dehan nia.

“Maibé atu desidi nia prestasaun hanesan ne’ebé ne’e komisaun nasionál mak sei desidi hamutuk ho nia organizasaun, komu jogu Xadrez nia sistema ne’e oin seluk ho jogus normais babain, entaun ita komprende ninia ne’e hodi jogu tuir nia sistema, atu nune’e bele deside katak, ne’e prestasaun ida ne’ebé mak prestiziozu”, katak nia.

Iha fatin hanesan Prezidente Atleta Xadrez Zeferino Viegas Tilman hateten, Ba oin dezenvolve modalidade Xadrez ne’e hanesan baibain federasaun halo ona, hanesan kompetisaun iha rai laran tenki nafatin la’o, depois kompetisaun rai laran la’o i depois kontinua treinu.

Enkuantu nu’udar atleta ita tenke enkoraja sira para sira treinu ne’e importante, atu nune’e sira nafatin mantein sira nia nivel nu’udar atleta ne’e la ele tun, dehan nia.

“Iha posibilidade seluk mós ita servisu hamutuk ho federasaun sira seluk husi nasaun seluk, ita halo koperasaun ho sira karik iha eventu ruma sira iha, sira bele ajuda federasaun Xadrez Timor-Leste hodi bele envolve atleta Timor-Leste bele ba partisipa”, Esplika prezidente atleta Xadrez

Aleinde mantein atleta sira ninia nivel kualidade ne’e bele mós iha posibilidade, sira bele gana títulu sira seluk husi eventu ne’ebé mak sira tuir, hakotu nia. LTS