Eskola Sekundária Santa Madalena Canossa Ossú Komemora Loron Mundial Prefessor/a
Naunil Media (Díli), Diretora Eskola Sekundaria Santa Madalena Canossa ossú Marta leite Gorete informa, Ohin madre, professores no estudantes sira hala’o selebra ba loron importante professores sira nian iha eskola refere, no objetivu husi selebrasaun ne’e hodi fó parabens ba professores hotu iha mundu liuliu profesores sira iha Timor- Leste.
“Espresaun ba loron ida ohin sente orgoulu, tanba loron ida ne’ebé importante tebes ba professores, Tanba profesor sira sai hanesn eroi bo’ot ba edukasaun, tanba ne’e mak professor no professora sira dala ruma sira mós sai hanesn saun São Baptista, bainhira sira hamosu Jesus Kristu, entun São joão hakiduk tiha ba kotuk hodi lá temi tan Jesus kristu, nune’e mós hanesan professores sira kuandu hanorin estudantes sira sai ona presidente, doutor, sira sei la temi tan professor sira nia naran, maibé iha mundu profesores sira ninia papél mak bele loke, diriji no guia estudante sira hodi hetan estúdu ho titlu ne’ebé di’ak”, Dehan Diretora Eskola Sekundaria Santa Madalena Canossa ossú ba Naunil Media What Sapp kuarta (05/10).
Nia hatutan, Professores sira hanesan eroi bo’ot ida ba edukasaun, Tanba professores mak mata dalan ba edukasaun nian, hodi guia no diriji estudantes sira ho ninia papél ne’ebé importante nunee transforma estudantes sira iha área edukasaun nian hodi hetan titlu ne’ebée di’ak.
Iha prosesu aprendisajen nian prestasaun husi professores sira lao di’ak tebes, no husu nafatin ba professores sira iha mundu atu labele dezanima ho profisaun nuudar professors, maske hasoru difikuldades tenke iha esperansa hodi firme nafatin ho profisaun ne’e, nia sujere.
“Prosesu aprendisajen ha’u apresia tebes ho ha’u nia profesores sira, tanba liu husi sira nia preparasaun materia ne’ebé di’ak hodi hanorin estudantes, lia menon ba profesores sira hotu iha mundu liuliu Timor-Leste, atu labele dezanima ita nia profisaun hanesan profesores karik hetan difikuldades, tenke iha esperanss nafatin tanba ba futuru nebe di’ak iha nasaun Liu husi professores sira nia dedikasaun tomak”,Nia Afirma.
Iha Fatin hanesan manorin José Joaquim de Sá hatete, Hanesan manorin ida sente iha nia espresaun, gratidaun no sentimentu hanesan mai husi estudante hato’o ba nia manorin ne’e la sala, tanba ne’e ho desijaun kanosiana nian katak forma ema atu sai kualidade iha nia an rasik.
Iha sorin seluk xefe estudantil Jenito husi eskola sekundária Canossa ossú lori estudantes hotu ne’ebé iha eskola Sekundária refere hato’o agradese no felisita tebes ba professores sira iha mundu, liuliu Timor-Leste liu husi loron professores sira nian, tanba liu husi loron importante ida ne’e hodi fanun nafatin professores sira nune’e bele transforma estudantes sira hodi konese siensia iha mundu. Aba
