Dr. Manoj: Agora Hospital Referal Sira Bele Opera Ona Matan
Naunil Media (Díli), Doutor Espesialista Oftamologia Dr. Manoj Sharma hateten, Dadaun ne’e Hospital referal sira bele halo ona operasaun ba matan, tanba espesialista matan iha ona Hospital referal sira.
Espesialista Oftamologia hato’o lia hirak ne’e ba jornalista sira hafoin enkontru ho Prezidente Repúblika (PR), José Ramos Horta iha palásiu Prezidensiál Nicolau Lobato Bairru Pite, Tersa, (15/11).
“Progresu iha, progresu barak agora espesialista ba matan hamutuk nain 14 uluk ida de’it iha tinan sanulu ba kotuk ne’e, agora iha Hospital referal sira ami bele opera ona matan, tanba espesialista matan iha ema lapresija mai Dili, só kazu komplikadu de’it mak mai iha Díli ne’e mak progresu ida,” dehan espesialista Oftamologia
Doutor ne’e hatutan, Dadaun ne’e mós sira hala’o hela treinamentu ba espesialista Timoroan sira nune’e espesialista lokál sira bele iha Responsabilidade nune’e espesialista Internationál sira bele suporta de’it husi li’ur.
“Ami agora dadauk hala’o hela treinamentu ba espesialista lokál sira no responsabilidade agora iha espesialista lokál sira ami nune’e ami ba ne’e suporta husi li’ur de’it”, katak Doutor
Nia dehan, Uluk foun nia servisu iha Hospital Nasionál Guido Valader (HNVG) sentru matan ida de’it maibé too ikus mai progresu servisu ne’ebé mak iha to’o oras iha Hospital referal sira mós iha ona espesialista tanba espesialista matan hamutuk nain-14 ona.*Jos
