Norberro Ho Mario Hetan Oportunidade Ba Aprende Futebol Iha Brazil
Naunil Media (Díli), Governu Timor-Leste liu husi Sekretáriu Estadu Joventude no Desportu (SEJD), Abrão Nocko Siko enkoraja nafatin jogadór junior na’in rua (2) iha tempu badak sei ba aprende futebol ho jogadores junior sira iha Brasil.
“Atletas jogadores junior nain rua ne’e husi sentru juvenil Munisípiu Baucau nian no hetan kontaktu husi Brazil hodi ba aprende di’ak liu tan iha iha Brazil”, dehan SEJD Abrão nocko Siko ba jornalista sira iha estadium Munisípal Díli segunda (12/12).
Jogadór na’in rua (2) mak hanesan, Norberto Olívio da costa ho Mário Melo Ximenes sente orgoulu tebes, tanba bele hetan oportunidade husi Brazil, ami na’in rua hodi ba aprende hamutuk ho jogadores junior sira iha nasaun Brazil nian.
“Sente kontente tebes tanba bele hetan oportunidade husi nasaun Brazil nian, ne’ebé koopera tebes ho governu Timor-Leste liuliu iha área desportu nian, nune’e mai ami rua hodi ba treinu hamutuk ho jogadores junior sira iha Brazil”, dehan dogadór Norberto Olívio da costa.
Iha Fátin hanesan jogadór Mário Melo Ximenes akresenta, oportunidade ida sente sorte bo’ot, tanba bele hetan oportunidade sira hanesan ne’e ba aprende iha Raí liur, hodi koinese di’ak liu tan kona-bá mundu futebol nian.
Atletas na’in rua ne’e originalidade husi munisípiu Baucau, Norberto ho idade 18 no Mário Melo Ximenes ho idade 16 no sira na’in rua hahú aprende bola ho idade ne’ebé lá hanesan Norberto hahú aprende bola ho tinan 14 no Mário hahú ho tinan 4, depois ida ne’e to’o sira na’in rua involve an iha sentru juvenil Baucau. Aba
