Ministru Joaquim : Implementa Sexta Bázika Atu Hakman Povu Durante COVID-19

Naunil Media (Díli), Ministru Koordenador Asuntus Ekonomikus (MCAE Sigla Portugues) Joaquim Amaral, hateten Governu konstitusionál da-ualu implementa programa sexta bázika hodi hakman povu  durante ámbitu COVID-19. 

Ministru Joaquim Amaral, ba jornalista sira iha Palásiu Governu, Kuarta (11/11).

Ministru Joaquim, deklara iha situasaun ekonómia ne’ebé difisil iha ámbitu moras COVID-19 no  durante prosesu inplementa progarama sexta bázika bazeia ba produtu sira ne’ebé mak ministériu alista ona iha merkadu.

“Pozisaun ita-nian lahalo buat ida ses husi merkadu tamba konpañia sira ne’ebé partisipa iha reputasaun merkadu Timor-Leste nian.  Operasaun fulan rua ne’e, ha’u hein públiku bele fó konfiansa presu ne’ebé justu, tuir regras merkadu, presu iha loja kuaze hanesan ho presu distribuisaun iha Metinaru bele halo ba loja sira ne’ebé iha kapasidade”, tenik membru Governu konstitusionál da-ualu ne’e.

Nia hatutan, preparasaun ba fulan rua ne’e halo operasaun mak tenki halo identifika legal ne’ebé aseita imput, konserteza fulan neén nia laran halo operasaun hodi organizasaun nível logistika. Tanba la’ós fasil fahe de’it osan, maibé  iha difikuldade reklamasaun ba dadus pesoal sira hodi  lori sasan ba to’o iha lokalidade. Iha transporte lokal ne’ebé la’o de’it, maibé Governu asume komprimísiu.

Governante ne’e informa, VIII Governu konstitusionál kompromete halo programa ho susesu hodi ema hotu hetan direitu iha fulan rua-nia laran, konserteza kompañia mak halo distribuisaun tanba kontratu ne’e tama ona pakote ida no konpañia sei  lori ba to’o distribuisaun.

Nia esplika, distribuisaun programa sexta bázika sei akompaña husi autoridade lokal xefe suku, xefe aldeia, adiministradór no pesoal sira ne’ebé mak mobiliza ajuda halo distribuisaun husi ministeriu nian funsionariu sira partisipa iha faze pilotu.

Programa sexta bázika kada ema ida simu nessesidade báziku ho montante  $25, durante fulan 2 montante totál hamutuk  $50. Vit