Absolve Tiago Gueirra Ho Chan Fong PJR Husu TR Tenki Justifika

Naunil Media (Dili), Prokuradór Jerál da Repúblika (PJR) José Ximenes deklara, nia-Lamenta ho Tribunal Rekursu (TR) ne’ebé mak absolve Kaju sidadaun Portugés Tiago Gueirra no Chan Fong Fong ne’ebé tribunal distrital Dili hamonu pena Prijaun tinan ualu iha tinan kotuk. Tanba ne’e nia husu atu justifika.

Prokurador Jerál Repúblika José Ximenes hato’o lamentasaun ne’e ba jornalista sira bainhira remata enkontru ho Prezidente da Repúblika (PR) Francisco Guterres Lu Olo iha palásiu prezidente Nicolao Lobato Bairo pité Dili, tersa, (23/03/2021).

“Ha’u Aproveita mós informa ba ita boot sira hodi bainhira fulan kotuk ha’u la Imforma ba ita boot sira. Kaju ida kona-ba Tiago Gueirra ho Fong Fong sidadaun Portugés ne’ebé tribunal primeira instansia Dili deside oitu anos iha prijaun, tribunal de rekursu, ikus mai deside absolve tanba dehan laiha krime. Ami halo rekursu reklamasaun-ba rekursu ida ne’e tanba desizaun tribunal rekursu ba kaju ida ne’e laiha fundamentu”,hatete prokurador jerál.

Nia hatutan “Ha’u fo hatene ba ita boot sira tanba saida mak ami dehan laiha fundamentus iha loron 2 de Setembru de 2011 señór ida Bobby Boye fo orden ba eskritoriu advogadu iha Norweguia para haruka halo transferensia Sem mill ba konta jerál estadu, iha Estadus Unidus da Amérika osan ne’e transfere duni”dehan Prokurador ne’e.

Nia hatuta iha loron 2 haruka eskritoriu advogadu halo transferensia Sem mill i tal ba ba tama duni konta do estadu ida ne’e loron 2 nia nia fo orden no loron neen ida seluk haruka 100 mill i tal, nia mós fo orden ba eskritoriu advogadu ida ne’e haruka halo transferensia oitu sentus sinquenta i nove mill ba Fong Fong nia empreza ida iha macau.

“Ha’u husu ba ita boot sira tribunal dehan laiha konjuntu de esforsu ami hanoin katak desizaun ida ne’e ladún Justu halo estadu Timor leste tenke lakon nia osan agora ema ida be simu ida ne’e dehan laiha responsabilidade nen sivil nen kriminal hau preokupa ho desizaun ida ne’e ” haktuir nia.

José reforsa hodi bainhira nia manda ona Mensajen dala ida katak nesesita ona kalae harii supremu tribunal de justisa ka pelu menus 5 anos minimu kria painel iha tribunal de rekursu para bele fo fatin halo rekursu ba desizaun sira ne’ebé haree ladún Justu iha tribunal de rekursu nian. Nia mós ladehan tenke harii tribunal supremu ne’e pontu de vista prokurador jerál da Repúblika ninian tanba haree kaju barak lakon la ho rajaun.
Nia hatutan iha tribunal iha juiz nain haat de’it mak iha tribunal de rekursu tuir estatutu majistratura judisial demite minimu tenke iha nain lima
José hatutan agora Juis nain 4 de’it Agora oin nusa mak bele harii plenaria ida, plenaria ida ne’e minimu ema na’in hitu para la fó responde ba ema nain tolu ne’e karik bele halo rekursu plenariu ba ema na’in hitu pelumenus bele muda mudansas ruma sé lae lakonsege.

” Tanba saida mak ha’u dehan ida ne’e tanba iha matéria balun ke tuir Konstitusaun da Repúblika tenke julga iha seksaun no matéria balun tenke julga iha plenariu matéria sira kona inkonstitusionalidade matéria kona ba eleisaun ne’e tenke julga iha plenariu juiz nain haat nain lima sira nunka julga iha plenariu ida ne’e tribunal tenke hanoin i estadu tenke hanoin para halo ida ne’e, ha’u ladehan tenke harii supremu tribunal mas pelumenus iha plenariu ida para julga kaju sira ne’ebé tuir Konstitusaun da Repúblika artigu 125 dehan katak seksaun ba kaju ida ne’ebé seksaun ida ne’ebé iha primeiru no segundu instansia i ba plenariu ida ne’ebé ultimu instansia selae ita iha difikuldade purtantu ida ne’e mak ha’u Aproveita hato’o hela ba ita boot sira iha desizaun ida rua ne’ebé ami la simu mas prontu i la’ós ida de’it konjuntura ami haree katak ministeriu públiku ami haree desperadu se nafatin la’o ho estrutura ne’ebé agora la’o dadauk ne’e “.

Kona-ba kuzu ne’e antes ne’e mós tribunal rekursu Absolve kasal Portugés Tiago Gueirra ho Fong Fong ne’ebé konfirmadu iha tinan 2017 tanba pekulatu uzu no simu kastigu tinan 8 no mós halo indeminizasaun ba estadu ne’ebé hatama osan ba sira nia konta bankaria desizaun ne’e akordaun husi panelista nain 3.*jos