Halot Olga Mendonça Ho Dingnu, Natalino: Agradese Ba MS no Xanana
Naunil Media (Díli), Oan husi matebian Olga Mendonça hato’o, agradese ba Ministériu Saúde (MS) tanba autoriza halot matebian ho dignu no agradese mós ba Líder Karismatiko Xanana Gusmao fó apoia kaisaun ba matebian.
Lia hirak ne’e hato’o husi oan matebian Natalino Cortereal ba Jornalista sira iha semiteriu Públiku Bekusse, bainhira remata halot matebian, sexta (23/04).
“Ba ami hakarak agradese ba apoiu tomak ne’ebé mak familia hetan, liliu husi parte saúde ninian ne’ebé mak ajuda no tulun ona ami hodi hala’o seremonia funebre tuir kultura ne’ebé iha mezmu, la masimu tanba ho situasaun Covid-19 ida hanesan ne’e ami senti kontenti tanba ami bele hamutuk hodi hakoi ho dignu no diak maske iha covid nia laran,” dehan oan matebian Natalino Cortereal
Iha biban ne’e oan matebian mós hato’o agradese líder Nasionál hanesan Kayrala Xanana Gusmão tanba apoiu ona kaisaun ba matebian.
“Ami familia boot nia laran luak hato’o agradese tebes ba lider karizmatiku Xanana no mós ekipa tomak ne’ebé maka apoiu no liliu ekipa husi Sentru Integradu Jestaun Krize no Ministeriu saude nian ne’ebé mak ohin apoiu ona ami familia matebian mai halot ona”.nia hato’o
Natalino dehan, nu’udar oan no familia matebian sente triste uituan tanba pesoal sira la too, ne’ebé familia matebian sira mós akompaña hit matebian hodi rai rai kuak, no tuir ne’e labele tanba moras covid-19 fo risku tebes ba ema nia saúde.
Nia hatutan, tutuir lolos ne’e família labele tama tanba tuir protokolu ministeriu saúde nian família labele besik maibé ohin familia besik fali ho ida ne’e mak familia senti ladun diak. Antes halot matebian parte husi komisaun Homenazen entrega Bandeira Nasionál ba matebian nia oan mane. Jos
