Komunidade Bekora Motaulun La Asesu Ba Bee Moos
Naunil Media(Díli), Durante inundasaun komunidade sira iha Bekora Motaulun, suku Bekora, postu adiministrativu Kristu Rei la asesu ba bee moos tanba kanu bee nian hetan estragus husi inundasaun ne’ebé akontese foin lalais ne’e.
“Iha ami-nia Aldeia Mota Ulun foin dadaun akontese inundasaun ne’e kanu sira tohar hotu ne’ebé iha ne’e bee laiha, depois inundasaun ida ne’e akontese sira ba hadia, maibe to’o agora bee ne’e seidauk mai”, dehan komunidade José da Costa Silva ba Jornalista sira iha Becora Motaulun, egunda (26/04).
José hatutan, foin dadaubn ne’e organizasaun internasionál husi Australia mai tau hela tanke rua hodi komunidade sira komsumu, aban-bain-rua sira mai hasai tiha tanke komunidade sei la asesu ba bee moos.
“Uza filtra tun ba mota ne’e, komunidade sira ne’ebé mak dook husi tangke ne’e sira kee bee matan iha mota hodi kuru ba konsumu. Dala ruma ami mós lahetan bee tanba be ne’e mai oituan deit. Bainhira loos mak governu tun direitamente mai terenu haree rasik ho fizikamente saida mak falta sira bele haree rasik ho sira-nia matan”. Nia dehan.
Nia husu, governu idak-idak ho nia servisu komesa husi governu husi munisípiu, administradór tun mai hamutuk ho xefe suku no aldeia sira tenki haree preokupasun povu nian.
“Ha’u rekomenda ba governu oinsa mak povu ne’e bele moris hanesan fó apoiu ba komunidade sira ne’ebé mak vitima ba inundasaun, maibe seidauk no ami komunidade presija bee. Se bee ne’e laiha ami labele moris, governu tenki tau atensaun ba buat hirak ne’e hanesan kanu ne’ebé mak tohar”. Tenik nia. Flo.