Marí Alkatiri : Koligasaun Foun Sei La Moris, FRETILIN Prontu Ba EA

Fahe Tutan

Marí Alkatiri : Koligasaun Foun Sei La Moris, FRETILIN Prontu Ba EA

Naunil Media (Dili), Sekretáriu Jerál Partidu Frente Revolusionário Timor-Leste Independente (FRETILIN), Marí Alkatiri, hateten sei la moris koligasaun foun ba forma governu, enkuantu FRETILIN prontu ba eleisaun antesipada (EA) daruak.

Sekretáriu Jerál FRETILIN, Marí Alkatiri hateten asuntu ne’e ba jornalista sira hafoin partisipa seremonia selebrasaun loron nasionál veteranus mak hala’o iha Praça da Proclamação Palasiu Governu, Tersa (03/03).

“Partidu Fretilin e úniku partidu iha ne’e que prontu ba eleisaun antesipada, sekarik aban ita halo eleisaun”, dekla líder nasionál ne’e.

Alkatiri hatutan, Fretilin sei manan maioria ba eleisaun tuir, tanba lakohi partidu ki’ik sira mak sai fali determinante.  

“Fretilin nia estratéjia atu manan eleisaun tuir mai, manan ho maioria absoluta mesak, e depois mak halo inkluzaun. Ohin loron quandu o lamanan maioria absoluta mak partidu ki’ik mak sai fali determinante”,

Enkuantu jornalista sira husu kona-ba partidu neen lideradu husi Partidu CNRT asina ona akta atu forma governu da-sia, fundadór estadu ne’e dehan, koligasaun ba forma governu foun sei la moris. Ana

Leave a Reply

Your email address will not be published.