SEKOMS, Merício :“COVID-19, Komunidade Labele Fiar Informasaun Falsu Iha MedSos”
Naunil Media (Díli), Sekretáriu Estadu Komunikasaun Sosiál (SEKOMS) Merício Juvinal dos Reis ‘Akara’, husu sidadaun sira la bele fiar rumoris iha media sosiál (MedSos) kona-ba Pandemia Corona Virus (COVID-19), maibe fiar mak media ofisiál governu no media sira ne’ebé fó sai informasaun kredibel iha Timor-Lest (TL).
SEKOMS Mericio Juvinal dos Reis ‘Akara’, ba jornalista sira hafoin partisipa reuniaun ho líder bankada sira kona-ba aplikasaun regras prevensaun corona virus iha uma fukun Parlamentu Nasionál (PN), Segunda (23/03).
“Hahú agora ba oin labele fiar kualker informasaun ne’ebé nia fontes ne’e la klaru, tanba fontes kredibel no klaru mak ekipa konjunta, iha ne’ébé lidera hosi ministériu saúde (MS). Mimistériu saúde mak sei garante ba informasaun hotu-hotu liga ba pandemia corona virus los ka lalós, ne’e informasaun sei sai hosi ne’e (komisaun prevensaun corona virus) ba”, informa SEKOMS Merício.
Governante ne’e hatutan, komunidade sira labele fiar informasaun ne’ebe ema idak-idak halo nia interpretasaun iha media sociál, maibé akompañia media sira ne’ebé iha kredibilidade no media officer ka media gabinete membru governu nian fó sai, liu-liu ekipa konjunta ne’ebé lidera hosi ministériu saúde (MS).
“Media Komunikasaun estadu nian, ha’u hakarak dehan iha ne’e RTTL, EP, Tatoli.IP no Radio komunidade sira asegura informasaun ne’ebé loos ba ita bo’ot sira no sei kolabora media hotu-hotu iha ita nia rai, liu-liu media konvensionál sira, ne’ebé iha ona kredibilidade akompaña mak sira”, dehan geovernante.
Antes ekipa komisaun konjunta iha Sábadu (21/03) ne’ebé lidera hosi ministériu saúde anunsia ona suspeitu ida afetadu corona virus no dadaun ne’e izola an iha ninia rezidensia, maibé sedauk esklarese nian identidade. Uar
