FEATUREDIkus LiuNewsSeguransa

Tinan 2020, Hosi Marsu To’o Meia Abríl Ne’e UPF Kaptura Ema Tama Ilegál Nain 141

Fahe Tutan

Naunil Media (Dili), Komandante Jerál Polísia Nasionál Timor-Leste (PNTL), Komisáriu Faustino Da Costa, informa hosi fulan Marsu to’o meia fulan Abríl tinan 2020 ne’e, Unidade Polisia Fronteira (UPF) kaer ema nain 141 mak tama ilegálmente, maioria sidadaun timor-oan.

Komisariu Faustino Da Costa, ba jornalista sirs hafoin partisipa plenária extraórdináriu iha parlamentu nasional, Kinta (16/04).

“Hau hakarak dehan de’it katak hahu hosi fulan Marsu to’o Abril, ita halo kaptura ba ilegál hamutuk nain 124 ne’e sidadaun timor-oan deit dadaun nee iha ona kuarentena no balun iha auto kuarantena, maibe iha sidadaun Indonezia hamutuk nain 17 maibe haruka sira fila, tamba ita nia lei bandu sidadaun estranjeiru tama mai rai laran durante estadu emerjensia”, dehan Komjer PNTL.

Nia dehan, ema ilegal sira nee mai hosi fronteira rai maran, iha munisipiu rua hanesan Munisipiu Kovalima, Bobonaro no Rejiaun Admistrativu Espesiál  Oe-Cuse Ambeno (RAEOA).

“Sira tama hosi fronteira terestre munisipiu rua no RAEOA, sira la’ós tama hosi fronteira tasi, Díli, Lospalos ne’e lae”. Hakotu Nia. Uar

Leave a Reply

Your email address will not be published. Required fields are marked *