Naunil Media (Díli), Porta voz Sentru Integradu Jestaun Krize (CIGC-Sigla Português), dr. Rui Maria de Araújo, hateten iha semana oin, Programa Deznvolvimentu Nasoens Unidas (UNDP-Sigla Inglésh) sei entrega ekipamentu prevensaun no kombate COVID-19 nian tuir kontratu ne’ebe antes ne’e governu Timor-Leste halo ona ho parseiru Internasionál ne’e.
Porta voz CIGC, dr. Rui Maria de Araújo, ba jornalista sira liuhosi komunikadu imprensa iha Centro de Convenções de Díli (CCD), Segunda (11/05).
“Prosesu ita bo’ot sira hatene, hahú kedas iha primera faze estadu emerjénsia governu foti desizaun atu sosa ekipamentu bens cosumives no mós medikamentu sira ne’ebé liuhosi plata forma ho UNDP. Ita mos kuiñese barak UNDP, prosesus sosa ekipamentu ne’e la’o hela, ita hein iha semana balu tan ita bele simu ona”, hateten eis Ministru Saúde no atual Porta voz CIGC, dr. Rui Maria de Araújo.
Nia hatutan, dadaun ne’e sei uza ekipamentu ne’ebé governu Timor-Leste TL simu apoiu prevensaun COVID-19 hosi governu Xina no governu Australia hadia fatin izolamentu sira iha Vera Cruz.