UPF Kaptura Sidadaun Nain Haat Iha Mota-Ain

Fahe Tutan

Naunil Media (Díli), Polísia Nasionál Timor-Leste (PNTL), Unidade Patrullamentu Fronteira (UPF) kaptura Timor-oan nain haat (4) iha fronteira Mota-Ain Batugadé, Bobonaro, tanba ilegalmente liuhosi hosi rai ketan indonézia tama  mai Timor-Leste (TL).

Asuntu ne’e informa hosi,  Porta Voz Sentru Integradu Jestaun  Krize (CIGC-Sigla Português) dr. Rui Maria de Araújo, ba jornalista sira liuhosi komunikadu  imprensa iha Sala Situasaun Centro de Convençõens de Díli (CCD), Kinta (14/05).

“Ha’u aproveita oportunidade ida ne’e  hakarak informa ba povulasaun tomak, katak sei nafatin iha sidadaun Timor-Leste ne’ebé klandestinamente hakat liu rai ketan hosi Indonézia mai iha teritorriu Timor-Leste, maibé konsege UPF kaputura”, informa porta voz CIGC, Eis Minstru Saúde dr. Rui Maria de Araújo.

Nia liu-tan, “Unidade Patrullamentu Fronteira-UPF konsege kaptura sidadaun Timor-oan nain 4, tanba dadaun ne’e iha Indonézia Kupang númeru Surtu COVID-19 kontinua aumenta”.

“Informa ne’ebé ami simu hosi unidade UPF, katak iha  loron  13 Maiu loraik horseik no loron  14 Maiu  maiz ou menus dadersan tuku 5:00 otl UPF kapura  sidadaun Timor-Leste nain 4, dadaun lori ona sira ba fatin iha kuarentena ne’ebé governu prepara”. dehan Eis Primeiru Ministru dr.Rui. Apm

Leave a Reply

Your email address will not be published.