Akara Konsidera Petisaun Kontra Eleisaun Hili Representa Jornalista ba KI Tuir Lei
Naunil Media (Díli), Sekretáriu Estadu Komunikasaun Sosiál (SECOMS-Sigla Português), Merício Juvinal dos reis ‘Akara’, hateten jornalista nain-31 halo petisaun hodi kontra rezultadu konferensia husi asosiasaun rua, Asosiasaun Timor-Leste Press Union (TLPU) no Asosiasaun Jornalista Timor-Leste (AJTL) ne’e tuir dalan konstituisaun.
“Iha semana kotuk, ha’u simu ona petisaun no ha’u nia ekipa juridiku sira mos haree tiha ona. Ohin ha’u enkontru direita ho ita nia sidadaun ne’ebé mak halo pentisaun ne’e, ami troka ideia ba malu, ha’u rona sira nia preokupasaun, ha’u nia pozisaun primeiru mak haree prosesu ne’ebé sira halo ne’e tama konstituisaun. Konstituisaun asesgura ba sidadaun sira hodi halo petisaun baihira haree violasaun ba lei ruma akontese ne’e normal”, hateten SECOMS, Merício Juvinal dos Reis ‘Akara’, ba jornalista sira hafoin enkontru ho representante jornalista ba petisaun Gabinete SECOMS, Palásiu Governu, Segunda (13/07).
Merício Juvinal dos Reis ‘Akara afirma sidadaun hotu-hotu tenke kumpri lei komunikasaun sosial hodi implementa tuir nia dalan legalidade,.
“Ha’u husu ba orgaun komunikasaun sosiál sira liu-liu konsellu imprensa, asosiasaun jornalista sira tenke hamriik iha oin hodi implementa lei komunikasaun sosial, labele orgaun sira ne’e mak sei kotuk ba lei komunikasaun sosial, se ita la kumpri lei komunikasaun social, ita la iha autóridade moral atu kritika ema atu ejiji ema tuir lei komunikasaun social”, apela Merício Juvinal dos Reis ‘Akara’.
Ikus-liu, Merício Juvinal dos Reis ‘Akara, dehan komunikasaun sosial koalia momos katak jornalista bainhira tuir votasaun tenke iha karteira profisiona tuir artigu 17, se bainhira hanesan funsionariu públiku labele hala’o kna’ar hanesan jornalista labele ba vota, lei komunikasaun sosial sei halo sosializasaun ba orgaun komunikasaun sosial sira hotu. Lop
