Reziknasaun Xanana Gusmão Presiza Justifikasaun

Fahe Tutan

Naunil Media (Díli), Bankada Fretilin, deputada Josefa Soares Perreira, hateten rezignasaun Kay Rala Xanana Gusmão husi nia kargu xefe negosiadór prinsipál fronteira maritima ne’e tenke iha justifikasaun ruma, tanba ne’e responsabilidada ne’ebé Governu mak fó.

“Rezikna-án ne’e direitu ninian, nia (Xanana) hakarak atu rezikna-an bele rezikna-án, maibé tenke ho justifikasaun fundamental. Ita tenke iha responsabilidade ida, iha konfiansa ne’ebé uluk kedas fó ba nia atu halo negosiasaun ne’e reponsabilidade”, Deputada Josefa Soares Perreira, ba jornalista sira hafoin plenária iha Parlamentu Nasionál (PN), Tersa (14/07).

Deputada ne’e afirma, kualker sidadaun labele husik hela pozisaun ida sem justifikasaun.

“Tanba dadaun halo negosiasaun ne’e a-favór ba Estadu, tanba ne’e sentidu estadu ne’e tenke iha, se lae ita hanesan halimar ho estadu nia situasaun no kondisaun ne’e la diak. Se ita hakarak, ita kontinua, se kuandu ita lakoi ita rezikna-án”, afirma Deputada ne’e.

Ikus-liu, deputada ne’e dehan, “Hau hanoin nia mos katuas ona, los duni nia rezikna-án, maibé ida ne’e mos hanesan inpaktu, so para espetativa ne’ebé joven sira hein 60.000 ital, hein hela fatin atu servisu ne’e mak espetativa bo’ot husi ita nia joventude sira”. Uar

Leave a Reply

Your email address will not be published.