Petisaun Jornalista 31, Joaquim : Sei Aprezenta Pareser Jurídika iha Plenária

Fahe Tutan

Naunil Media (Díli), Prezidente Komisaun A trata asuntu Justisa no Konstitusionál iha Paralamentu Nasionál (PN), Deputadu Joaquim dos Santos, infórma petisiasuan husi jornalista 31 komisan A sei aprezenta pareser jurídiku iha plenária.

“Reprezentasaun orgaun komunikasaun sosiál ba tur iha Konsellu Imprensa (CI-Sigla Português) tenke ser reflete prinsipiu imparsialidade, labele halo desizaun ida ho tendensia atu grupu ida domina fali hodi hili reprezentasaun ba iha CI, ne’e labele”, Prezidente Komisaun A trata asuntu Justisa no Konstitusionál iha Paralamentu Nasionál, Deputadu Joaquim dos Santos, ba jornalista sira, iha resintu PN, Kinta (06/08).

Deputadu Joaquim dos Santos, hatutan komisaun A haree ona petisaun refere no sei análiza molok aprezenta pareser jurídiku iha Uma Fukun.   

“Ami haree ona petisaun ne’e, se petisaun ne’e reflete prinsipiu sira ne’e ita sei husu parlamentu atu hare’e didi’ak no ami se aprezenta pareser juridiku ba parlamentu”, tenik Deputadu Joaquim dos Santos.  

Tuir Deputadu ne’e, prosesu eleisaun mak la tuir lei entaun konsidera nulu depois kompatibilidade entre membru sira-ne’ebé halo servisu, ezemplu atu evita imparsialidade ne’e ka parsialidade funsaun ne’e presiza kumpri regra iha lei komunhikasaun sosiál.

“Nulu ne’e dehan desizaun ne’e la vale, tanba ne’e  mak foin lalais parlamentu atu hili membru na’in-rua ba CI, ita kansela tiha eleisaun ne’e ba prosima reuniaun mai mak bele hili fali, nune’e labele kahur funsaun entre jurista no jornalista tuir lei komunhikasaun social”, esplika Deputadu husi bankada Fretilin ne’e.

Ikus-liu, Nia dehan, dadaun ne’e komisaun halo hela ezame ba petisaunn ne’e bazeia ba Rejimentu Parlamentu Nasionál (RPN) artigu 157, 158 no 159. Uar

Leave a Reply

Your email address will not be published.