Grupu SAHAZA YUTH Lori Lixu Non Organic Produz Kreatividade Oi-oin
Naunil Media (Dili), Grupu SAHAZA YUTH harii husi Foinsa’e nain hitu (7), sira halibur matrial non organic, hanesan masa Akua mamuk hodi halo sai fatin lixu no akua nia matan sira halo ba variasaun pasta nian.
Joven hirak ne’e mai ho nia inisiativa rasik hodi halibur lixu hodi produz kadeira no meza ne’ebe mesak furak. Sira kria aktividade ne’e iha tinan 2019 liu-ba no tuir ona kompetisaun iha loron joventude 12 de Novembru nian no sai primeiru lugar.
Reprezentante grupu Sahaza, AgripinhoSsantos, esplika Grupu ne’e harii iha tinan 2019 ho hanoin ida atu kontribui ba dezenvolvimentu Nasaun nian.
“Ami nia grupu ne’e existe iha 26 de maio de 2019 No grupu ne’e hari husi ami mai husi ekolala 28 de Nobembru no durante ne’e ami tuir aktividade lubuk ida relasiona ho resiklazen nian”, Reprezentante grupu Sahaza, AgripinhoSsantos, ba Naunil Media iha Aldeia 01 suku Kaikoli, Segunda (10/08).
Reprezentante Grupu ne’e, informa sira harii grupu ne’e lahetan apoiu fundu ruma,no sira hahu husi mamuk (laiha fundu).
“Ami harii inisiu to’o agora ho ami nia osan rasik dala barak inan aman sira fo osan $5.00”, tenik Nia
Tuir Reprezentante Grupu ne’e, hakarak hatudu uluk asaun hafoin mak husu apoiu husi Governu ba Minist’eriu ne’ebe relevante.
“Dala ruma ita la iha asaun husu uluk Governu ne’e hanesan deit, diak liu halo uluk asaun hodi promove uluk ita nia produtu hodi halo kompetisaun ba iha eventu juventude nian” dehan Nia.
Joven sira iha Grupu ne’e sempre hili masa akua mamuk hanesan sira nia kolega di’ak maske iha ema seluk nia matan heree hanesan lixu. Moto grupu ne’e “Labele husu Nasaun Maibe Saida Mak Ita Halo Nasaun”. Jjf
