Kbi’it Laek Uma Kain 40 iha Kraras Hetan Apoiu Nesesidade Bázika husi F-FDTL
Naunil Media (Viqueque), Xefe Suku Maria Odete dos Anjos Amaral, agradese ba FALINTIL-Forsa Defeza Timor-Leste (F-FDTL) mak fó ona apoiu ona nesidade báziku ba povu kbi’it la’ek hamutuk uma kain 40 iha Kraras suku Bibileo, postu adiministrativu Viqueque Villa, Munisípiu Viqueuque.
“Agradese ba F-FDTL mak apoiu ona povu kbi’it la’ek sira, ida ne’e ba dahuluk, ami la haree ba folin sasán nian, maibé hatene katak sei hadomi ami hanesan feto faluk no oan ki’ak”, Xefe Suku Maria Odete dos Anjos Amaral, ba Naunil Media hafoin akompaña kbi’it laek sira hosi simu knesesidade bázika husi ekipa Tour F-FDTL, iha suku Kraras Bibileo, Segunda (10/08).
Tuir Autoridade Kraras Bibileo ne’e, presija tebes apoiu ne’e tanba komunidade balun la iha kbi’it ba ai-han.
“Ami indentifika liu husi xefe aldeia sira, ita-nia povu balun laiha kbi’it duni, balun moris mesak”, akresenta xefe suku ne’e.
Apoiu nesesidade bázika ne’e direitamente entrega husi Xefe Estadu Maiór Jenerál F-FDTL, Majór Jenerál Lere Anan Timur akompaña husi espoza atual Cidália Mesquita Ximenes, Vise Xefe Estadu Maiór Jenerál F-FDTL, Brigadeiru Falur Rate Laek, Xefe Estadu Maiór F-FDTL, Koronél Calisto Santos Coli ‘Coliati’, Brigadeiru Jenerál Sabika Besi Kulit, Brigaderu Jeneral Maunana.
Nesesidade bázika mak hanesan Supermi, mina Bimoli, Foos. Ekipa Tour mos apoiu ekipamentu prevensaun COVID-19 hanesan balde boot, sabaun, maskra, aimoruk dezinfekta ba Ensinu Bázika Filial (EBF) Uarik Kraras no EBF Bibileo. Vit
