Jerente Fone Haus, Bembem : Uza Telemóvel SAMSUNG Garante Kualidade
Naunil Media (Díli), Jerente Kompañia Internasional Fone Haus iha Timor-Leste, Bembem Assunto, hateten utiliza telemóvel marka samsung orijínal husi kompañia Fone Haus garante kualidade rede komunikasaun di’ak iha Timor-Leste (TL) no estranjeiru.
Jerente kompañia Fone Haus, Bembem Assunto, ba Naunil Media, iha nia kana’ar fatin Super Merkadu Timor Plaza, Segunda (17/08).
Bembem informa, telemóvel marka SAMSUNG ne’e orijínal no diretamente importasaun husi fábrika husi Nova Zelandia no telemóvel iha kualidade no rede (jaringan) ne’ebé di’ak tanba ne’e komsumedór uza SAMSUNG di’ak liu kompara ho telemóvel seluk.
“Ha’u hakarak fó hatene, ba konsumedór sira iha Timor-Leste, katak ami husi Fone Haus mak distributór telemóvel SAMSUNG orijínal ho kualidade ne’ebé di’ak modelu hanesan SAMSUNG, Diji Come no Meant”, dehan Bembem.
Jerente ne’e esplika, telemóvel ne’ebé Fone Haus fa’an ne’e orijínal, kompaña Xina kopia tutan fali temóvel kuaze modelu hanesan, maibé Xina kopia tutan ne’e ninia kualidade ladun, depois sira fa’an ho folin ne’ebé mak baratu ema uza aat lalais hodi fó afeta fali ba kompañia Fone Haus.
“Kustu kada telemóvel ne’ebé ami fa’an iha Fone Haus iha kustu ne’ebé as liu iha medium no entry level. Ami fa’an baratu ba $100.00, iha telemóvel Metdrins kustu $20.00, telemóvel ne’ebé folin as mak hanesan E10+, Not10 kustu $800.00, $1000.00, iha telemóvel marka Meant tombol ami fa’an ba $12.00, $15.00 no $20.00. Hanesan layar ami fa’an ba $100.00 no $150.00”. tenik jerente ne’e.
Nia informa, durante Timor-Leste implementa estadu emerjénsi, Fone Haus hamenus kustu kada telemóvel, maske iha kualiade ne’ebé di’ak no uza ba durasaun naruk, maibé haree mós situasaun iha rai laran imfrenta hanesan estadu emerjénsia, tanba ne’e Fone Haus hamenus kustu.
“Ami fa’an folin folin baratu, fa’an folin karun komsumidór sira la sosa, tanba impaktu husi situasaun agora”, dehan jerente ne’e.
Ikus-liu, jerente Fone Haus ne’e husu ba komsumidór sira iha Timor-Leste banhira atu sosa telemóbel tenke haree ba kualidade no garante utilizasaun tempu ba naruk, tanbe ne’e husu atu ba sosa iha Market Fone Haus ne’ebe besik iha ita bo’ot sira nian munisípiu sira. Emj5/Emj6.
