PR Lú Olo : Veternu Tenki Kontinua Tatoli Istória FALINTIL ba Família Sira

Fahe Tutan

Naunil Media (Díli), Prezidente Repúblika (PR), Francisco Guterres ‘Lú Olo’ husu ba veteran no kombatente sira atu kontinua tatolia istória Forças Armadas da Libertação Nacionál Timor-Leste (FALINTIL) nian ba família sira nune’e bele hatutan iha futuru, tanba istória kona-ba terus no mate maibé nakonu ho orgullizmu.

“Ohin haksolak tebes  ha’u mai hamutuk ho imi iha fatin ida ne’e, hodi selebra loron Forças Armadas da Libertação Nacionál Timor-Leste ba dala-45, loron ida ohin atu fó hanoin mai ita katak sira ne’ebe sei moris kontinua hatutan valor sira ne’ebé asu-wain sira husik hela mai ita, loron FALINTIL ba tinan ida ne’e ho espiritu FALINTIL nian”, Xefe Estadu Timor-Leste, Francisco Guterres ‘Lú Olo’ liu husi nia diskursu iha Quarter Jenerál Fatuhada, Kinta (20/08).

Aman Nasaun nu’udar ema númeru ida iha Timor-Leste ne’e hatuta, nu’udar Prezidente Repúblika prontu serví nasaun no povu  ida ne’e nian moris, tanba ne’e husu ba Timor oan hatu tenke refleta nia an ba istória lala’ok FALINTIL nian durante lúta ba libertasaun Nasionál.

“Klaru lafasil atu atinji mehi ida ne’ebé liu husi servisu hamutuk ho ita nia povu sai duni realidade tanba ne’e mak ita dehan bei-beik FALINTIL mak ikan povu mak bee. Ohin espiritu FALINTIL sei fó kbi’it no determinasaun la’o ba oin hamutuk nafatin to’o hetan dezemvolve sosial no moris diak ba povu tomak hodi hametin fiar ba ita nia an rasik ba ita nia sosidade no ba ita nian Nasaun ida ne’e”, tenik R Lú Olo.

Eis-gerilleiru no atual Prezidente Repúblika, Lú Olo’, esplika FALINTIL mak povu nia lima kroat no FALINTIL mós tempu ulúk Timor oan fahe malu tanba UDT ho FRETILIN maibé lalais deit FALENTIL hatene sira nia misaun para sira atu asegura dame ba povu, tanba ne’e husu ba veteranus no kombantete sira ne’ebé mak sei moris atu kontinua tatoli nafatin nia istoria rasik ba imi nia oan no ba familia sira hodi hatutan istoria rasik, istoria ida ne’e terus no mate nian maibé nakonu ho orgulilzmu. Pau

Leave a Reply

Your email address will not be published.