DNSM Entrega Hikas Sidadaun Ida ba Embaixada Nova Zelandia

Fahe Tutan

Naunil Media (Dili), Ministériu Interior (MI) liu husi Diresaun Nasionál Servisu Migrasaun (DNSM) entrega hikas sidadaun Nova Zelandia ba nia embaixada iha Timor-Leste.

Sidadaun ho naran Jonh Calder, tama mai teritóriu nasionál liu husi postu administrativu Atauru, munisipiu Díli iha loron 13 fulan Agostu tinan ne’e.

Diretór Jerál Servisu Migrasaun, Superintendente Xefe Polísia Agustinho Gomes Da Silva, hatete dadaun ne’e servisu migrasaun entrega hikas ona sidadaun ne’e ba nia reprezentante Governu ka Estadu (embaxador Nova Zelandia) iha Timor-Leste.

“Ohin ita entrega fali ba embaxada Nova Zelandia atu haruka nia fila ba nia nasaun, maibé molok ita haruka fila, ivestigadór sira halo ona investigasaun ba sidadaun ne’e, maibé nia lahetan kazu no virus ruma” Diretór Jerál Servisu Migrasaun, Superintendente Xefe Polísia Agustinho Gomes Da Silva, baa jornalista sira iha salaun Multimedia Ministeriu Interior, Vila Verde, Kinta (10/09).

Diretór Jerál Servisu Migrasaun, Superintendente Xefe Polísia Agustinho Gomes Da Silva, esplika sidadaun Nova Zelandia ne’e atu halo viajen ba Alor maibé iha tasi klaran Ró ne’ebé nia lori aat, nune’e deside hodi nani de’it iha tasi klaran durante oras rua to’o mai Atauro.

“Ami husi imigrasaun ba foti nia mai halo investigasaun nia rejultadu la iha buat ida maibé ita deside aplika deit abandona voluntáriu ba nia hodi entrega nia ba ninia embaxada Nova Zelandia, atu bele haruka nia fila fali ba nia rai”. Emj5

Leave a Reply

Your email address will not be published.