2021 Governu TL Fó Oportunidade ba Kbiit Laek Nia-oan Aseseu ba UNTL

Fahe Tutan

Naunil Media (Díli), Ministériu Ensinu Superior  Siensia no Kultura (MESSC- Sigla Português), Longinos Do Santos, hateten tinan 2021 Governu liu husi MESSC sei fó bolsa espesífika ba ema kbiit laek nia oan hodi aseseu ba Universidade Nasionál Timor Lorosa’e  (UNTL).

“Kestaun importante ida seluk ne’ebé Governu hakarak atu implementa mak dispunibilizasaun programa sira hodi tulun estudante kbiit-laek sira, nune’e 2021 ita sei hahú fó bolsa espesífika sira ba estudante sira ne’e, atu hadi’ak asesu ba sidadaun hotu-hotu, la haree ba sira-nia kondisaun social no iha futuru, kontribui ba hamenus ki’ak”, Ministru Longinos Do Santos , ba jornalista sira hafoin partisipa serimonia Graduasaun UNTL ba dala XXIII, iha Centro de Convenções de Díli, Segunda ( 28/09/20).

Governante ne’e hateten objetivu husi programa Governu nian, bolsa estudu espesífika  aseseu ba ensinu superior ne’e atu halo mudansa ba seitór sosial liu-liu reforsa edukasaun hodi redúz ki’ak.

“Nune’e, ita presiza atu fó onra ba ita-nia pasadu, foti lisaun sira husi pasadu sai hanesan referénsia hodi tulun, ita halai lalais liu-tán no ita la lakon sekuénsia husi ita-nia istória iha pasadu nian. Ita-nia povu iha karakterístika nu’udar povu luta-nain ida, fó-an tomak no aten-brani, ho ida-ne’e mak iha istória naruk, ita hakat liu ona susar barabarak”, klarfika Nia.

Kona-ba atu fo bolsa espesífika ba kbiit laek, inklui veternus, no F-FDTL nia oan, tanto estudante hirak ne’ebe remata ensino sekundáriu iha rai liur nia oan, sira asesu ba iha ensinu superior UNTL.

Iha (25/09/2020), Governu konstitusionál da-VIII liu husi MESSC  halo ona publikasaun ba informasaun ne’e iha pajinaministériu refere nian inklui iha media RTTL, nomos pajina Media UNTL, bazeia ba diploma ministerial, Nu.32/2020, 16 Setembru. Fet

Leave a Reply

Your email address will not be published.