OJE 2021, MAE Propoin $200 Mil ba Harii Seminteiru iha Metinaru
Naunil Media (Díli), Ministru Administrasaun Estatal Miguel Pereira de Carvalho, informa Ministériu Administrasaun Estatal (MAE) sei propoin $200 mil ba Orsamentu Jéral Estadu (OJE) tinan fiskal 2021 hodi harii seminteiru iha suku Metinaru.
“Orsamentu tau fazeada ba tinan oin, tau orsamentu pelu menus $20 mil atu halo indimizasaun no inísia prosesu konstrusaun ba seminteiru Metinaru” Ministru Miguel Pereira de Carvalho, ba jornalista sira hafoin partisipa debate espesialidade ba OJE tinan fiskal 2020, iha uma fukun Parlamentu Nasionál, Tersa (6/10).
Miguel esplika, munisípiu Díli Ministeiru Administrasaun Estatal prepara hela seminteiru foun ba Díli nian iha àrea Metinaru, ho rai nia luan 25 ektares indentifikadu hotu ona.
Ministru Administrasaun Estatal Miguel Pereira de Carvalho rekuiñese seminteiru Becusi sai problema bo’ot no presiza halo jestaun ne’ebé di’ak.
“Ministéiru indentefika ona ida ne’e hanesan problema no ami sei regulariza no iha prosesu duni hodi halo regulariza halo dekreitu lei ida hodi halo jestaun ba semintéiru sira ba Timor laran tomak”, tenik Nia.
Ikus liu, Nia dehan, orasamentu aprova ona sei dezenvolve seminteiru hotu-hotu iha munisípiu tomak. Lop
