Deputadu Sadik Malu, Akademista Konsidera Laiha Maturidade Polítika
Naunil Media (Díli), Akademista hosi Universidade Nasional Timor Lorosa’e (UNTL), Fakuldade Siensias Sosiais atual vise dekanu asuntu estudantil, Bernardo Idalina Leto konsidera deputadu sira ne’ebe sadik malu iha plenaria uma fukun Parlamentu Nasionál hatudu momos sira laiha Maturidade Polítika.
“Akademista haree ba lala’ok ba deputadu sira, sira sadik malu iha plenária laran ne’e hatudu momos la iha matoridade polítika, tamba Fatin ne’ebe atu diskute, la’ós ba sadik malu ho fíziku”, Akademista ne’e ba Jornalista Naunil Media iha nia knaar Fatin kampus Faspol, Kaikoli, Tersa (27/10).
Akademista ne’e husu husu ba líder máximu partidu polítiku sira atu hili membru ruma sai deputadu presiza observa didiak nia nível edukasaun.
“Aban bainrua partidu ida delega-nia membru ba deputadu la’ós uza aprosimasaun klasika hanesan uza massa no ema ne’ebe mak iha osan maibe tenke haree mos kualifikasaun akademiku”, tenik Leto
Nia dehan, realidade maioria deputadu mak laiha nível Edukasaun apropriadu, maibe tanba de’it hetan oportunidade ba ukun, maibe la iha respnsabilidade no interese povu no Nasaun. Ivo
