MAPKOMS Cup 2020, Golu Juvencia Lori Susesu ba BNCTL
Naunil Media (Díli), Ekipa Futeból Salaun Femenina husi Banku Nassionál Komersiu Timor Leste (BNCTL) susesu halakon nia ekipa adversariu MAPCOS ho score 1-0 iha jogu abertura Torneu Futsal MAPKOMS Cup 2020 mak hala’o iha Kampu Futsal Bebora, Tersa (27/10).
Jogu abertura MAPKOMS Cup ne’e lansa Direta husi Ministru Asuntu Parlamentár Komunikasaun Sosial (MAPKOMS) Francisco Geronimo.
Jogu entre ekipa rua ne’e anima tebes komunidade hadomi futebol sira tanba iha inisiu jogu ekipa rua jogu ho kompetetivu tebes desde kick off.
Tama ba iha minutu 5 ekipa (BNCTL) lídera kedas ho score 1-0 hafoin Juvencia da Silva ho númeru kamizola 8 susesu fura rede ekipa uma nain MAPKOMS.
Score 1-0 ne’e halo ekipa uma nain Mapcoms halo kontra atake makas hodi halo empata ba jogu ne’e maibé gurda defensivu husi ekipa BNCTL la fó fatin ba ekipa MAPKOMS hodi marka golu to’o termina jogu parte dahuluk.
Kontinua ba jogu parte daruak ekipa rua ne’e maintein halo kontra ataka ba maluk maibé la iha golu ruma mak akontese iha jogu parte daruak to’o termina jogu parte daruak nian vitória ba BNCTL.
Entetantu jogu futsal ne’e ho objetivu atu komemora loron independensia 28-11-1975/ 28-11-2020 ba dala 45.
Jogu ne’e mós atu halo lasu amizade entre media no perseru sira. Ekipa kobertura
