Fitun Estudante Lori Karón Ense Golu Hafoin Derota Kontra Lalenok ho Score 12-0
Naunil Media (Díli), Klubu primeira divizaun Lalenok United susesu hakat ba Oitavu finais Kopa 12 Novembru hafoin susesu manan adversáriu Fitun Estudiante ho score 12-0, jogu faze 16-finais.
Jogu ekipa rua hala’o iha Estadion Munisipal Díli, Kuarta (19/11). Ekipa Lalenok United, la hatun jogadór sira principal, maibe hafoin halo rotasaun iha segundu parte.
La presiza tempu naruk ba ekipa zigante hanesan Lalenok United hodi marka golu, tanba jogu foin hala’o monitu 1 lori Lalenok United lidera ho score 1-0.
No iha primeira parte ekipa Lalenok marka golu 7 enkuantu fitun estudante nunka remata ba rede Lalenok United to’o jogu parte dahuluk termina ho score 7-0
Kontinua ba jogu segunda parte Lalenok United marka tan golu 5 enkuantu Fatun Estudante tenta atu halo kontra atake maibé defeza husi ekipa Lalenok United la fó fatin ba Fitun Estudante hodi marka golu to’o termina jogu segunda parte vitória ba Lalenok United ho score 12 -0.
Golu vitória husi ekipa Lalenok United marka husi, Zacarias Cabral munutu (1), Hermino de souza minutu (9), Lorenso Freitas minutu (13), Melcihor Ribeiro minutu (21), Daniel Adade minutu (24),(42),(66),(88), Santiago da Costa minutu (28), Rofino Gama minutu (65), Elias Mesquita minutu (81), Fabio Cristian minutu (83).
Rezultadu vitória ne’e lori Lalenok United hakat ba 8 finais no tebe sai Fitun Estudante husi sai Kopa 12 Novembru. Dvo
