Tinan 2004 To’o 2020, TL Iha $21 Billoens Mai Husi Rendimentu Petrolífera

Naunil Media (Vikeke), DiretórDezenvolvimentu no Produsaun Autoridade Nasionál  Petrolífero no Minerais (ANPM), Fernando da Silva, informa husi tinan 2004 to’o 2020, Timor-Leste (TL) iha $21 bolloens, mai husi rendimentu petrilíferu.

DiretórDezenvolvimentu no Produsaun ANPM, Fernando da Silva, informa liu husi nia-aprezentasaun nu’udar orador ba seminariu ho tema “Hametin Páz no Estabilidade hodi Kontribui ba Prosesu Dezenvolvimentu Nasionál”, sub-tema “Sobre Papel Juventude iha Dezenvolvimentu ba setór Petrolífero, iha sede suku Uaitame, Tersa (29/12).

“ANPM mak regula atividade petrolíferu hotu-hotu. Ami mak regula husi tasi laran nomós iha rai maran, komesa husi lisensiamentu, tenderizasaun, tasi laran no rai maran”, tenik director ne’e.

Nia hatutan “Produsaun mina tun ka sae ami mak hatene. Ami tenke kontrola loro-loron atividade produsaun  la’o ka lae?. Ezemplu  horseik mak minan 20 mill baren monu deripente ne’e ami tenke tun ba tasi laran hodi buka hatene”.

“Rendimentu ne’ebé ita hetan hahú 2004 to’o 2020 hamutuk $ 21 Billoens husi rendimentu ne’e mak ita halo dezenvolvimentu iha iha ita-nia rain laran”, relata director ne’e.

Partisipa iha semináriu ne’e husi veteranu, veterana, estudante, autoridade seguransa PNTL no komunidade sira iha suku Uaitame. Vit