Serka Sanitária, Avelino: Guvernu Tenke Apoiu Nesesidade Bázika Ba Povu
Naunil Media (Díli), Relasiona implementasaun Serka Sanitária, jurista Avelino Coelho, husu oitavu guvernu tenke iha polítika fá apoiu subsídiu alimentasaun no nesesidade bázika ba povu sira ne’ebé hela iha konfinamentu obrgatoriu sira ne’e.
Jurista Avelino Coelho ba Naunil Media liuhusi via eletroniku email, kinta (18/03)
“Guvernu persija semana-semana fó distribuisaun ai-han ba komunidade, iha implementasaun Serka Sanitaria tenki la’o hamutuk ho polítika subsisidus alimentares ka aihan no subsídiu enerjia ba internet, bee hemu no nesesidades bázika seluk tan. Katak oinsa governo bele implementa semanalmente halo distribuisaun aihan ba povu hirak ne’ebé hela iha serka sanitaria”, dehan Avelino.
Nune’e Avilino husu, ba governo presija haree mós infraestrutura hanesan saúde-nian hodi nune’e kria kondisaun ne’ebé diak liu ba povu ne’e bele moris.
“Guvernu estabelese serka sanitária, ne’e opsaun ne’ebé los atu governu bele kontrola propagasaun pandemia Covid-19 ne’e dalan uniku ke Governu ida tenki foti medida, perante situasaun propagasaun no kontaminasaun”, nia haktuir.
Nia dehan, tuir loloos guvernu mós tenke kria rekejitu ba ema estranjeiru ne’ebé atu tama mai Timor-Leste no fó prioridade ba mak mai investe no loke kampu servisu ne’ebé seidauk iha oportunidade atu tama ba serbisu.
“Kona-ba ema husi rai seluk tama mai Timor-Leste, lolos Governo haree prioridade ka klasifika entradas. Sera ke ema estranjeiru ne’e investe iha Timor-Leste, ka kria kampu traballu iha Timor-Leste profesionál ne’ebá servisus iha ajénsia internasionál. Karik la priense rekejitu hirak ne’e ha’u hanoin ladauk oportunu”. tenik Avelino. Jos
