Serka Sanitária: Herculano Lori Nesesidade Bázika Bá Estudante Hela Kost

Naunil Media (Díli), Relasiona implementasaun Serka Sanitária sidadaun husi munisípiu Ainaru, Herculano Asala Vicente ho inisiativa lori nesesidade bázika bá estudante sira ne’ebé hela iha kost munisípiu Díli tanba estudante halerik ba hahan.  

Sidadaun Herculano Asala Vicente ba Naunil Media hafoin lori neseidade báziku bá estudante Adozindo Delima Soare, iha Osindo I Manleuana, kuarta (17/03).

Tuir Herculanu,  hanoin inisiativa ida ne’e la’ós  foin mak hala’o maibé durante ne’e  halo mós   uma rua ka tolu  ba  veteranu ida nia oan naran Alabi iha Kampu Baruh halo hotu ona agora apoia nesesidade bázika ba estudante sira ne’ebé helaiha kost sira.

 “Tanba Ha’u haree alin sira hanesan ne’e difikuldade ba ai han, horseik ha’u mai ajuda estudante univesidade da paz (UNPAZ) iha Fatumeta alin ne’e telefone ha’u to’o tanis la han loron rua ona.  Entaun  ha’u mós ema foho nia-oan ha’u sente ne’e ladun diak”, dehan Herculano.

Herculano realsa,“Ha’u mós la’ós sebisu boot ida, maibe ha’u haknar iha organizasaun naun governante (ONG) balun, hau-nia saláriu ne’e la to’o $ 100.  Ha’u volumtariu hela  ajuda ita-nia maluk  sira  ne’ebé   husu apoiu ba   ha’u, ha’u apoiu tan osan la’ós sasan sira ne’e hau mesak de’it,  maibé agora  kolega  nain haat   tau osan no ita-nia eis deputadu   balun no eis direktór balu tan mak ohin lori nesesidade báziku hodi  ajuda estudante sira”, 

Herculano dehan,  serka sanitariu ne’e difikulta  tebes ba estudante  tanba  lockdown  inan aman sira haruku husi ne’ebé,  haruka tuir telemor mosan  mós   labele  iha postu no suku  laiha. Entaun  ne’e difisil ba inan aman haruka osan ba oan  sira   iha Díli.

“Rekursu ne’ebé ita iha hanesan Timor oan no Maromak oan, inan ida aman ida saida mak ita iha koko fahe ba ita-nia maluk sira ne’ebé presija ajuda”, Asala subliña.

Asala informa, “aproveita husi Nanunil Media hakarak aviza ba  estudante sira katak se mak iha difikuldade ba ai han durante serka sanitária  bele liga ba hau-nia númeru telefone  77254381 whatsApp, belemensajen ba hau-nia ID facebook Asala Vicente, ha’u sempre atendementu   24 oras ita bele ba hasoru  barak ka oitoan ita fahe hodi bele hasoru situasaun covid-19”.

 “Se ita hein governu  bainhira tanba governu foin dadaun anúsiu katak fó subsídiu ne’e   prosesu beriokrata   nune’e ita volumtariu oinsa halibur malu hodi ajuda    alin estudante sira to’o bainhira hein ida ne’e ita mate on”. tenik Asala.

Iha fatin hanesan estudante Benifisiariu Munisípiu Ainaru, Adozindo Delima Soare haktuir, sente kontente tanba ho nesessidade bázika ne’e  bele fasilita iha ámbitu  serka sanitária nian laran tanba dezafiu ne’ebé mak durante  iha serka sanitária loron 09 Marsu no estende tan to’o 02 Abril  infrenta ba hahan.

“Iha situasaun serka sanitária ami estudante mak infrenta no hasoru dezafiu sira hanesan ne’e inan aman sente triste tanba ami dook husi sira, labele ajuda ami-oan sira diretamente tanba lockdown.  governu desidi katak Díli seka sanitária. ha’u  estudante eskola iha universidade da paz (UNPAZ) durante  Serka sanitária ne’e inan aman la haruka osan mai tanba Díli lockdown sira haruka osan mai la di’ak”. Tenik Adozindo.

Entretantu apoiu ne’ebé sidadaun Herculano Asala Visente apoia nesesidade bázika estudante sira mak hanesan Supermi, mina Bimoli, fos no manu tolu. Apoia ne’e Herculano lori  direta bá estudante sira nian kost iha kost hanesan Bebonok, Markoni, Fatumeta no Osindo I Manliuana. Ipe/vit