MAL Kontinua Apoia Nesesidade Bázika Ba Estudante 200 Uatulari iha Kost
Naunil Media (Díli), Movimentu Asukai Lorosa’e (MAL) kontinua fó apoia nesesidade bázika ba estudante Uatulari hamutuk 200 ne’ebé hela iha kost munisípiu Díli, hodi augenta moris iha ámbitu serka sanitária ba prevensaun Covid-19.
Prezidente Movimentu Asukai Lorosa’e (MAL) Justino Sopalos Ximenes ba jornalista sira, hafoin distribui ba estudante sira, iha Tereru, Kintal Boot, sábadu (27/03).
Prezidente MAL Justino hatete, distribuisaun ba faze dauluk fahe ba estudante hamutuk na’in 80 ba iha faze daruak ne’e MAL identifikadu estudante hela kost hamutuk 200.
“Ami-nia insiativa fahe nesesidade basika ida ne’e ami hasai husi bolsu rasik, la’ós husu fali ba governu. Tanba ita hotu hatene katak Covid-19 ka serka sanitária to’o 02 abril”, nia informa.
Nia hatutan, signifika serka sanitária limita ba ema hodi halo movimentu sai difikuldade ba estudante sira ne’ebé hela iha kost tanba ne’e mak MAL prepara hahan baziku uituan ba estudante hodi augenta sira nian moris.
“Ohin ne’e hakarak ka lakoi ami tenki fahe hotu, sé ami la konsege fahe hotu tanba balu la iha transporte mai simu, maibé ami mós prepara ona kareta rua hodi lori ba estudante sira-nia fatin, nune’e sira bele asesu hahan sira ne’ebé mak ami prepara ona”, nia realsa.
Nia dehan, apoia nesesidade bazika ba estudante sira realiza MAL hetan suporta makas husi veteranus, emprezariu, funsionáriu apoiu osan, depois sosa sasán sira ne’e hodi distribui ba estudante Uatolari oan. Priénse iha nesesidade bázika kompostu husi foos, mina, supermi, rinso, masako, masin. Depois fahe ba estudante na’in ida hetan foos ne’e kilogrma (kg) 25 aumenta mina, superni, masako, masin no rinso. Pau