Reuniaun KSDS-KE Ho PR Lú Olo Konkorda Renova EE Ba dala-12

Naunil Media (Dili), Asesor Prezidente Repúblika, (PR), Gregorio Sousa deklara enkontru husi reuniaun Konsellu Superior Defesa I Seguransa (KSDS) ho konsellu do Estadu (KE) konkorda no husu prezidenti da Repúblika Francisco Guterres Lú Olo kontinua Estende Tan Estadu Emerjensia Ba Dala-12.

“Ohin Prezidenti Republika halo reiniaun rua, ho Konsellu superior de Defesa e Seguranga (KSDS) ho Konsellu de Estadu (KE), ne’ebé desizaun kontinua renova tanba kazu covid-19 kontinua aumenta loron ba loron. Entaun membru konsellu nain rua dehan halo renovasaun extendementu estadu emerjensia” hateten Asesor Prezidenti Repúblika, Gregorio Sousa ba Jornalista sira iha Palasiu Prezidensial Nicolau Lobato Bairu Pite Dili Segunda (29/03/2021).

Asesor ne’e haktuir razaun parte rua husu Ba Prezidenti da repúblika atu estende Tan EE ba dala-12.Tanba covid-19 nafatin Aumenta.

Nia argumenta maske husi parte rua disidi Estende, maibe Prezidenti Republika mós sei haruka mensajen ba parlamentu nasional hodi kordena atu nune iha kuarta feira sira halo debate.

“kona-ba medidas ne’e governu maka sei foti, depois fali ba serka sanitaria ne’e sei fila ba governu nia kompetensia, ne’ebe Prezidenti husu para renova estadu emerjensia” nia hatutan

Partisisipa iha reuniaun ne’e Prezidente Republika, Francisco Guterres Lu Olo, Primeiru-Ministru no Ministru Interior Taur Matan Ruak, Ministru Defeza Filomeno Paixão, Ministru Justisa Manuel Cárceres, Tenente Jeneral F-FDTL Lere Anan Timur, Komisariu PNTL Faustino da Costa no Diretor Jeral Servisu Nasional Intelijensia Manuel Serrano.
Reprezentate no membru sira nomeadu husi Parlamentu Nasional mak hanesan Aderito Hugo da Costa, David Dias Ximenes, Abel Pires da Silva. Membru sira nomeadu husi Prezidente Republika mak José Manuel Fernandes ‘Nakfilak’ no Cristina da Silva.

Membru sira ne’ebe halo parte Konsellu Estadu mak Prezidente Repúblika Francisco Guterres Lú Olo, Eis-Prezidente Repúblika José Ramos-Horta, Eis-Prezidente Republika no atual Primeiru-Ministru Jeneral Taur Matan Ruak, Prezidente Parlamentu Nasional Aniceto Longuinhos Guterres Lopes.
Halo parte mos Konsellu ne’e membru sira nomeadu husi Prezidente Republika mak Óscar Lima, Alcino de Araújo Barris, Maria Dadi Soares Magno, Laura Soares Abrantes no Faustino da Costa.

Husi Parlamentu Nasional mak Eduardo de Deus ‘Dusae’, Aurora Ximenes, José Cornélio Guterres, Árcangelo de Jesus Gouveia Leite. Nunee mos Daniel dos Santos Carmo, nu’udar Diretor Executivo FONGTIL.

Tuir dadus husi Organizasaun Mundial Saude (OMS), iha 23 marsu 2021, infesaun SARs-Cov-2 mundialmente rejista kazu konfirmadu hamutuk, sentu i vinte i trés millions duzentus i dezasseis mil sentu i setenta e oito (123 216 178) no hamate ema hamutuk 2 714 517 (dois millions setesentas i catorze mil i quinentas i dizassete) tanba COVlD-19.

Iha Indonézia, rejista kazu infesaun SARs-CoV-2 hamutuk 1 465 928 (um millaun kuatrusentus i sessenta i sinku mil setesentas e onze) no hamate one 39 711 (trinta i nove mil setesentas i onze). Iha provinsia Nusa Tenggara Timur kazu konfirmadu hamutuk 12 012 no hamate ema na‘in-327.

Timor-Leste rejista kazu pozitivu na‘in-322 iha loron 28 marsu 2021. Desde marsu 2020 too horseik, iha ema na‘in-491 hetan infesaun husi SARs-CoV-2, sira seluk rekuperadu no seidauk rejista ema mate. Pau