Loron Mundial Liberdade Imprensa; PM Taur Hato Votus Felisitasaun Ba Jornalista-Sira
Naunil Media (Dili) Primeiru-Ministru (PM) Taur Matan Ruak, hato’o votus felisitasaun ba jornalista sira hotu iha mundu tomak no partikularmente iha Timor-Leste ne’ebé ohin selebra loron Mundial Liberdade Imprensa.
“Uluk nanain lori ha’u-nia naran rasik no Governu nia naran, hakarak hatao’o votus felisitasaun ba jornalista sira iha mundu tomak no espesialmente ba jornalista timoroan sira hotu ba imi-nia loron espesial ohin,” Votus Parabens husi eiz prezidenti RDTL matan ruak, kona-ba selebrasaun loron Munidial “03-05-2021”.
Iha komunikadu ne’e Taur deklara Loron 3 fulan-maiu, nu’udar loron espesial ida ba jornalista sira, loron ne’ebé Nasoins Unidas adopta hanesan Loron Mundial Liberdade Imprensa hodi fó hanoin ba País hotu iha mundu tomak atu respeita Liberdade Imprensa.
“Tuir Índise liberdade imprensa mundial nian ba tinan 2021 hosi Report Without Borders (RSF), hatuur Timor-Leste iha pozisaun 71 ho pontuasaun global 29.11 hosi total País 180 ne’ebe RSF rekolla. Ne’e hatudu katak ita-nia nível iha avansu di’ak liu iha Sudoeste Áziatiku, wainhira ita kompara ho País balun ne’ebé ukun an kleur ona, mais sira-nia Liberdade Imprensa sei dook liu hosi ita-nian. Ne’e hatudu katak Liberdade Imprensa iha ita-nia nasaun, nia iha fatin. Hanesan Primeiru-Ministru, ha’u orgullu, no ita hotu tenke orgullu ba prestasaun ida ne’e” hatutan Ruak.
Nia haktuir Governu respeita tebes Liberdade Imprensa, no iha vontade atu kontinua apoiu Insitiuisaun Média sira hodi kontinua hala’o sira-nia kna’ar ho independente, imparsialidade, respeitu kode etika jornalista no responsabilidade nu’udar pilar importante ba ita-nia demokrasia.
“Ita-nia País daudaun ne’e hasoru hela obstaklu boot rua, ida mak dezastre naturais ne’ebe akontese iha loron 4 fulan abril kotuk, no ida seluk mak Pandemia COVID-19. Governu halo esforsu hotu-hotu oinsa atu minimza impaktu hosi kalamidade rua ne’e. Iha situasaun sira hanesan ne’e, jornalista sira-nia kontribuisaun oinsa tulun ita-nia Estadu iha divulgasaun informasaun ne’ebe loos, justu, kredivel no mais edukativu atu bele ajuda ita-nia Estadu iha situasaun ida ne’e”.
“Agradese tebes ba ita-boot sira nia kontirbisaun sira durante ne’e, ne’ebé hato’o ona informasaun ba publiku sira relativa ho atividade sira Governu nian, maske imi hasoru difikuldades oioin iha terenu, maibe imi nafatin iha vontade, ba ida ne’e, ha’u-nia hakuak boot ba imi hotu no dala ida tan PARABÉNS”, nia konklui. * IVo
