PNTL Halo Agresaun Fisiku ba Negosiante, Akademista Konsidera Laiha-Profesional Servisu
Naunil media (Díli), Relasiona ho akontesomentu iha loron 23/05 Polisia Nasionàl Timor-Leste (PNTL), halo agresaun fisiku hasoru negosiante fa’an nuu iha Tasi Tolu, akademista husi Universidade Nasionàl Timor Lorosa’e (UNTL) husi Faculdade Ciensia sosiais (FCS-sigla portugés), Atual xefe Departamentu Relasaun Internasional (RI) Bernardo Idalina Leto, Konsidera PNTL la iha profesional servisu.
Tuir akademista Bernardo Idalina Leto hateten liu husi komandu jerél halo komunikandu impresa katak negosiante mak halo uluk brutalismu tan ne’e mak Sira foti asaun maibe Ida ne’e hatudu katak PNTL seidauk iha profesional servisu.
“Komandu jerál halo komunikandu imprensa katak inisiu hahu ne’e dehan negosiante mak foti uluk burtalismu, tuda uluk polisia tanba ne’e mak polisia foti asaun, ha’u hanoin problema ida ne’ebé mak hatudu katak servisu polisia seidauk profesional” Dehan akademista FCS UNTL Bernardo Idalina Leto ba Naunil Media iha resintu Kampus lama UNTl, segunda (24/05).
Nia mós Informa PNTL halo problema hanesan ne’e laos foin akonte maibe, beibeik ona sira halo problema hanesan ne’e ba Komunidade sira.
” Problema Ida ne’e akontese beibeik La’os foin akontese membru polisia sira komete iha halo violasaun ba Komunidade sira, Ha’u nia haree tuir lolos negosiante mak halo sala polisia hein kaptura de’it lori ba prosesa, la presiza atua go violensia” infoma nia
Bernardo mós argumenta hanesan husi PNTL nia Komunikandu katak negosiante mak tuda uluk, polisia profesional la presiza halo agresaun fisiku, negosiante halo ona violensia ho PNTL, PNTl mos simu ho violensia ne’e Sira nia profesional servisu ne’e iha ne’ebé Nia hakotu lia. Ivo
