Covid-19: TL Ohin Rejista Kazu Foun 81 no Rekuperadu 152

Naunil Media (Díli), Koordenadór   Forsa-Tarefa   ba   Prevensaun    no    Mitigasaun    Surtu Covid-19 iha  Timor-Leste, Rui    Maria   de  Araújo, Informa Centro  Integrado Gestão   de  Crises,  Sala Situação (CIGC-SS-sigla portugés), kazu pozitivu Covid-19 rejeita foun na’in 81 no rekupera 152,  ativu ohin  baiza hela 2402.

“Husi  total kazu detetadu   foun na’in 81   mane 44, feto  37. Husi   total  kazu  detetadu  foun  ohin,   hirak  ho tinan husi  tinan 12-59   na’in    81 (100%) ho tinan husi total kazu detetadu  foun   ohin, proporsaun kazu    sintomátiku hamutuk 3,7%, kazu   rekuperadu ne’ebé  relata  ohin 152, kazu ativu 2402, no kazu   konfirmadu kumulativu husi 21 Marsu 2020 to’o mai ohin hamutuk (7740)”, Informa  koordenadór (CIGC-SS) Rui Maria de Araújo ba jornalista sira liu  husi karta komunikadu imprensa, domingu (06/06).

Husi  horiseik     mai  ohin, hamutuk  hotu       Laboratóriu    Nasionál     Saúde halo 600 testes PCR iha Díli, ho detalles mak hanesan, vijilánsia sentinela (6), rastreiu ba     kontaktu (39), rastreiu   aleatóriu (46), viajen sai husi serka  sanitária        husi m unisípiu Diíi hamutuk (481), Viajen internasionál (1).

Rui hatutan, testes PCR ne’ebé halo horiseik iha munisipiu sira seluk, Rejiaun Administrativa Ekonomomia Eo-Cusse Ambeno (RAEOA) no Hospital Nasionál Guido Valadares (HNGV),     hamutuk 364, ho detalle  mak hanesan, Baucau na’in-59, Ermera na’in-34, Bobonaru na’in-48,  Maubisse na’in-84, RAEOA na’in-3,  Covalima  na’in-24, Viqueque na’in-11 no HNGV na’in-101.

Nia dehan atu hatene  surtu ninia evolusaun, ne’  aumenta ka   diminui, indikador  ne’ebé  matenek-nain  epidemiolojia  uza, mak  insidénsia. Konvensionalmente sukat total kazu foun, kada loron 100 mil  habitantes, no hatudu  risku ne’ebé populasaun  atu hetan da’et.

Apela ba populasaun iha  Díli laran  no mós iha  munisipiu  sira seluk, aprezenta an iha fasilidade saúde   públiku, Sentru Saúde ka hospitál ne’ebé       besik, wainhira sente isin-manas, kakorok  moras,  inus-ben,  mear, bele hetan atendimentu husi profisionál saúde sira nune’e   bele hetan atendimentu.

Ikus Nia dehan populasaun Timor-Leste, favor  respeita  nafatin   regra  prevensaun  no ijiéne individual, ne’ebé  Governu hatu’ur  ona, atu prevene moras   Covid‑19 da’et ba  Maka hanesan uza maskara fase liman beibeik ho sabaun ka dezinfetante ruma evita kose liman ba matan, inus ho ibun; wainhira kumprimenta malu, la presiza ka’er liman, bensa-liman, rei-malu ka haku’ak malu  evita     halibur malu barak  hamri’ik ka tur do’ok husi ema seluk, mínimu metru  ida  ho balun.

 Numeru ema mate ho Covid-19 total 17 iha Díli 15, Liquiçá na’in 1 no Bobonaru na’in 1. Ipe/Ivo