Prosesu Aprovizionamentu Fatal, CAC Trava Ró Tranship II
Naunil Média (Díli), Komisariu Adjuntu Komisaun Anti- Korupsaun (CAC-sigla Português), Luis de Oliveira Sampaio informa, Orienta ona ekipa Prevensaun korrupsaun hodi halo inspeksaun ba Ró Tranship II Gresik husi nasaun Indonesia.
Ne’ebé Governu Timor-Leste liu husi Ministeriu Transporte Komunikasaun (MTC), Aluga atu troka Ró Berlin Nakroma ho Sukses ne’ebé dadaun ne’e avaria ona.
Iha inspeksaun ne’e Komisaun CAC rekomenda ba Ministeriu MTC temporariamente suspende operasaun, Tanba iha prosesu aprovizionamentu aluga Ró Tranship II ne’e hamosu duvidas no fatal tebes, Ne’ebé bele prejudika funsinariu publiku MTC sira, Wainhira Governu TL kontinua deside halo operasaun ba Ró ne’e. Rekomenda Komisaun CAC
Tanba CAC nudar instituisaun indepedente ida ne’ebé hala’o nia knar hodi prevene no kombate krime korupsaun tuir mandatu ne’ebé hatur ona iha Lei Nú.8/2029 kona-ba kriasaun CAC.
Iha Artigu 5 Lei Kriasaun CAC, Define katak Komisaun iha kompeténsia atu halibur no analiza informasaun hirak ne’ebé relasionadu ho kauza sira ba korupsaun, No fó hanoin kansela kualker instituisaun ka entidade publiku sira, Kona-ba oinsa prevene no luta hasoru hahalok korupsaun.
Iha Artigu 9 Dekreitu Lei Nú. 23/2015 kona-ba estrutura organika CAC, Define katak Unidade Inspeksaun no monitorizasaun (UIM), Responsável ba apoiu partisipasaun nó sensivilizasaun sosiál nó mós monitorizasaun situasaun indikadu korupsaun iha administrasaun direita nó estadu indireta.
Alénde ne’e iha lei Medidas Prevensaun nó Kombate Korupsaun (MPCC), Partikularmente iha artigu 7 kona-ba publisidade nó transparénsia servisu aprovizionamentu setór públiku, Nó artigu 8 kona-ba aprovizionamentu ne’ebé justu nó efisíente fó espasu bo’ot ba CAC atu interven nó asegura prosesu sira tuir prínsipiu ne’ebé lei define ona.
Bajeia ba legalidade ida ne’e CAC hala’o prosesu inspeksaun Ró foun ne’e semana kotuk ho nia deskobrementus sira releva iha relatoriu katak iha duni iregularidade prosesu aprovizionamentu.
Maske nune’e, MTC liu husi Dresaun Nasionál Transporte Maritima (DNTM), Nu’udar autoridade ne’ebé ezekuta mandatu bazeia nomeasaun husi Diretór DNMT ho Númeru ofisiu: MTC/098/DNTM/VI/2021-Data 01/06/2021 inspeksaun ba teknika ba Ró-ahi Sukses MTC/100/DNTM/VI/2021, Data 02/06/2021, ho asuntu nomeasaun inspeksaun tenika ba Traship II.
Komisariu Adjuntu Komisaun Anti-Korupsaun (CAC-sigla Português), Luis de Oliveira Sampaio Esklarese, MTC Koko CAC! Mais, ita nian temuan (Inspeksaun) ne’e kontrariu liliu buat ida subtansia liu maka iha prosesu aprovizinamentu ne’e.
Nia haktuir Tuir dadun ne’e hatudu rejultadu inspeksaun MTC nian releva totalmente kontrariu ho rezultadu inspeksaun CAC nian, MTC fó buat diak deit! Afinal CAC ho media sira mos iha oin hotu.
“CAC estuda hela kruza informasaun sira ne’e, tanba prosesu sira lao dadauk ne’e buat hotu sira halo tiha lori Ró ne’e mai tiha Timor halo tiha kontratu maka foin orienta prosesa, aprovizionamentu ne’e maka fatal liu” Tenik nia
Adjuntu CAC ne’e esplika, Informasaun adisional ne’ebé ekipa inspeksaun prevensaun CAC nian hetan iha terenu releva Ró Tranhip II ninia produsaun tinan 2007 no Ró sukses hala’oiha tiha ona operasaun iha Timor tinan hirak nia laran fabrikadu iha tinan 2017.
Iha Ró ne’e rasik oli suli hela, Iha ne’ebé perigu tebes ba pasajeirus sira nia salvasaun vida, Lampu mos kesi ho tali raffia inklui AC Ró nian mos aat, Uza fali AC ne’ebé atu instala deit ba iha uma nian. (Latu)
