Dom Virgilio: Governu Tenke Fortifika Fronteira, Delta Labela Tama TL
Naunil Média (Díli), Relasiona ho Variante Covid-19 foun ne’ebé komesa ataka ona nasaun vizinu sira mak Arche Bispu Metropolitana Dioseze Díli Dom Virgilio do Carmo da Silva SDB, Hateten governu tenke fortifika fronteira atu Variante Covid-19 foun labele tama iha Timor-Leste (TL).
“Wainhira ita ko’alia kona-bá variante foun ne’e ameasa bo’ot ida ba mundu la’ós ba Timor-Leste de’it, i sai perigu liu ba ita wainhira ita rona katak Indonézia loron ba loron nia númeru ne’e aumenta, entaun hanoin hakarak ka lakohi ita nia governu tenke fortifika nafatin fronteira, fronteira terrestre fronteira Maritima ba mós fronteira husi Aeroportu, área sira ne’e hotu ita nia governu fortifika hanesan buat ne’ebé uluk ita halo desde inisiu to’o agora, ida ne’e ha’u hanoin meus ne’ebé hanesan tenke halo atu fortifika”.dehan Arche Bispu Metropolitana Dioseze Díli Dom Virgilio do Carmo da Silva SDB ba Jornalista sira wainhira remata selebra misa primeiru votus ba irmã sira iha Kapela Novisiada SSPS Hera, sesta (02/07).
Arche Bispu Metropolitana Dioseze Díli ne’e mós enkoraza ema hakbesik ba iha vasina, tanba vasina ne’e mak dalan ida atu hasa’e imunidade, sen duvida agora dadauk hatene katak iha pro no kontra sempre iha, maibé haree iha mundu katak ho vasina pelumenus bele hasa’e ema nia imunidade
“Balun hanoin katak ho vasina ne’e ita lahetan moras ona lae buat ne’e sei nafatin, maibé pelumenus ida ne’e aumenta ita nia imunidade atu ita bele iha rezisténsia ida atu moras ne’e koko ona ita karik ita bele”, tenik Arche Bispu Metropolitana Díli
Dom Virgilio hatutan, governu mós tenke buka meus ida atu aumenta tan mós tipu de vasina mai Timor-Leste agora agredese tan ho AstraZeneca mai uluk no Xinovac mai tan pelumenus iha ona eskolla ida.
Nia dehan, Sekarik governu aumenta tan iha tan tipu vasina foun ruma tama tan, pelumenus atu nune’e fó posibilidade ba ema atu bele eskolla liberdade liu tan, tanba balun hakarak ba simu tanba iha komentarius barak liu hanoin ida hotu kondisoens ne’ebé guvernu tenke halo nafatin atu enkoraza populasaun.
Dom Virgilio mós fó hanoin labele mamar demais mantein nafatin iha rai laran mós koko fó hanoin nafatin liu-liu oinsá atu ou meus ruma atu povu hotu-hotu konsiente nafatin katak Virus ne’e agora dadauk la’o hela, no presiza iha maneira ruma atu proteze aan, ne’ebé guvernu halo estadu emerjénsia serka sanitária, buat sira ne’e hotu loos duni, wainhira hasai dala ida ema hanoin livre tiha ona, wainhira iha buat ruma fó hanoin nafatin ba povu ida ne’e.*Jos
