MEJD Disidi Reativa Eskola Iha Munisipiu Dili No Baucau
Naunil Media (Dili), Ohin dia 15/07/2021, Ministeriu Edukasaun Juventude no Desportu (MEJD), foti desizaun atu reativa hikas, prosesu ensinu aprendizajen prezensial iha munisipiu Dili no Baucau.
“Ita hotu hatene katak suspensaun ba prosesu ensinu aprendizajen prezensial, durante semana hira lidera deit munisipiu Dili no Baucau, sira seluk reativa fila fali ona, maibe hahu ohin 15/07, ita reativa fali prosesu ensinu aprendizajen iha munisipiu rua nee,”hatete, Ministru Edukasaun Juventude no Desportu (MEJD) Armindo Maia liu husi konferensia imprensa iha MEJD Vila Verde Kinta (15/07).
Nia deklara objetivu deside reativa fila fali aula prezensial tanba haree katak, insidensia ba taxa de infrasaun iha timor laran tomak ka Munisipiu no Baucau iha semana ikus nee haree laiha aumenta ne’ebé signifikativu.
“Ita haree katak taxa de vasina mos aumenta ba beibeik, iha Dili laran kala serka de 55% selangan kan 60% ona no timor laran tomak kuaze 40% ona, entaun hau hanoin ida nee bele mos ajuda ita,”nia tenik.
Nia deklara eskola sira ne’ebé iha munisipiu rua ninia taxa de vasina entre profesores ho funsionariu sira pelu menus atinji ona 70%.
“Ba sira ne’ebe seidauk atinji 70% presiza halo lai preparasaun no mestre ho funsionariu sira, rame-rame ba tuir lai vasina pelu menus doze ida, depois ida nee mak ita foin autoriza para bele reativa fila fali”.
Nia deklara maske retiva Maibe nafatin lao medidas ne’ebe regula iha protokolu covid-19 hanesan uza maskra, distansia sosial no fase liman bebeik, i aumesmu tempu mos ekipa husi MEJD sentral no edukasaun munispiu ita sei halao fiskalizasaun ba eskola sira.
Tuir dadus Total profesore ne’ebé simu ona vasina hamutuk 1.498 husi 3.153 signifika atinji ona 47% vasina ona no 53% mak seidauk.LTS
