UNICEF Ho ADB apoiu Kareta Tanki Bee no Tanki bee mos ba eskola EBF 1. 2 Paiol
Naunil Media (Dili), United Nations International Children’s Emergency Fund (UNICEF) ho Asean Development Bank (ADB) apoiu kareta Tanki bee ho Tanki bee mos ba eskola Ensinu Basika Filaial (EBF) 1.2 Paiol Lahane Osidental.
“Ha’u lori governu nia-naran liu husi ministeriu Edukasaun hato’o Ami nia agradesementu ba apoiu sira hotu, Liu liu iha momentu ne’ebe ohin ita Halibur malu iha fatin ida ne’e ita hotu sente Ita nia parseiru sira ne’ebe ho laran domin fuan bo’ot tanba iha situasaun Ida hanesan ne’e rona Ita nia lian” dehan Vice Ministru Edukasaun Joventude no Desportu (V-MEJD) Antonio Guteres hafoin halo lansasamentu iha eskola Ensinu baziku Filial (EBF) 1.2 Paiol lahane osidental, kinta (15/07) .
Vise Ministru ne’e dehan, iha fulan hira liu ba simu informasaun EBF paiol ne’e iha problema ba bee mos dalaruma labarik estudante sira ba kuru bee iha likintai no dalaruma lori kedas husi uma. Ho situasaun Sira ne’e komunika kedan Sira husi UNICEF oinsa Mak atu tau netik bee ruma iha ne’e.
Aleinde ne’e reprezentante ADB Jose pereira orgullu tanba bele ajuda ona estudante sira.
“Ami kontenti tebes tanba bele intrega fasilidade Ida ne’e ba alin oan sira, liliu ne’ebe atu kontinua fali Sira nia eskola, dehan katak investe ba edukasaun hanesan investe ba alin oan sira hanesan investe ba ita nia futuru. Apoiu ida ne’e ADB Sei iha mos apoiu seluk Tan no Liu husi UNCEF nafatin ba parte medikamentu nian ne’ebe foin Fulan hirak Liu ba Ita mos intrega iha ospital Drul Antonio, ne’e medikamentu apoiu husi ADB ba UNICEF hotu” nia esplika
Tuir kordenador EBF Paiol João Gosmão deklara EBF iha edifisiu rua no kada edifisiu, Ida iha sala 3, edifisiu rua ne’e hamutuk sala 6, kompostu husi alunus hamutuk nain 500 no profesores hamutuk nain 17, profesores sira ne’ebe kompostu husi nain 17 ne’e nain Ida mak kontratadu no sira seluk permanente hotu. LTS
