TIC Timor I.P Fahe Sertifiakadu ba Formandu Na’in 24

Naunil Media (Díli), Diretór ezekutivu Tic Timor Impreza Públiku I.P, Roberto Caetanu de Sousa, Informa fahe sertifikadu ba formandu na’in 24, nune’e sira bele implementa iha sira nia serbisu fatin.

“Ohin ami ensera ona programa treinamentu ne’ebé mak halo husi TIC Timor Impreza Públiku I.P,  ba instituisaun estadu 16 no husi partisipante hamutuk ema na’in 24, iha sentru formasaun Polísia Nasionál Timor-Lorosae (PNTL) Comoro, iha treinamentu ne’e halai liu kona-bá  área IT nian”, dehan Diretór ezekutivu, TIC Timor I.P, Roberto Caetanu de Sousa ba jornalista sira iha salaun Akademi Polísia Nasionál Timor-Leste  Comoro,  Sexta (24/07).

Diretor ne’e hatutan, sira estuda kona-bá konseptu ligasaun redi nian, nomós sira halo konfigurasaun kona-bá ekipamentu redi nian, no ida ne’e mak objetivu prinsipal husi treinamentu durante loron 10,  no ohin ami halo enseramentu.

Iha treinamentu ida ne’e hanesan fó ona fundamentu no koinhesementu ba iha área IT  nian, ba instituisaun 16 ami mós hanoin katak partisipante sira,  sira iha ona konhesementu naton husi treinamentu ida ne’e, atu nune’e sira bele implementa iha sira nia serbisu fatin, Dehan nia.

“Trenamentu ida ne’e sei lahotu iha ne’e,  maibé ida ne’e  hanesan passu primeiru no  oportunidade treinamentu ne’ebé mak  iha futuru sei oferese husi TIC rasik, iha komponente agensia ne’e hari’i ho nia kompentesia ida mak atu fó duni treinamentu ba pesoal IT,  iha instituisaun eatadu tomak tanba ida ne’e la’os primeira ves no  iha Derzembru ita sei halo tan treinamentu ida “,  nia haktuir. Ina /Flo