PR Horta: Disolve PN No Demite Governu La’ós Solusaun Di’ak Ba TL
Naunil Media (Díli), Prezidente Repúblika (PR), José Manuel Ramos Horta hateten, Tuir intrepretasaun Konstituisaun Xefe estadu bele disolve Parlamentu Nasionál no mós bele demite governu mas ne’e lá’os solusaun di’ak ba Timor-Leste (TL).
“Teorikamente tuir ha’u nia intrepretasaun Konstituisaun ha’u bele disolve Parlamentu, ha’u bele demite governu mas ne’e lá’os, solusaun di’ak ba rai ida ne’e buat ida debate akademiku ne’e bele ka labele iha direitu ka laiha direitu, atu halo ne’e ha’u nia intensaun bele mas lasignifika ha’u bele i ha’u atu halo lae”, dehan PR José Manuel Ramos Horta ba jornalista sira iha Kampus Hera, kuarta (08/06).
Horta hatutan, Iha situasaun polítika ida ne’e nu’udar PR buka mak servisu hamutuk no Parlamentu Nasionál, no mós apoiu makaas para governu bele buka dialogu nune’e situasaun bele hakmatek.
“Situasaun polítika ida ne’e ha’u buka mak servisu ho governu ho Parlamentu komunidade internasionál, ha’u husu apoiu makaas liu tan para governu bele governa, tanba ne’e ha’u mós buka dialogu para situasaun hakmatek”, katak PR
Horta esplika, Responsabilidade Prezidente Repúblika nian mak halo situasaun hakmatek, para governu bele avontade ne’e mak responsabilidade.
Aman ba nasaun ne’e hateten, Normálmente iha prosesu polítiku hotu-hotu buka halo dialogu, ho orgaun soberania hanesan Primeiru Ministru ho plata forma, Parlamentu Nasionál no bankada sira, kontaktu la’o dadaun inkluindu ho maun bo’ot Xanana hahú enkontru regular ho maun bo’ot Xanana no mós Dr. Marí Alkatiri.
Nia dehan, Substansia husi dialogu mak governu tenke buka ko’alia ho opozisaun, kuandu atu halo orsamentu ratifikativu no mós atu halo orsamentu foun 2023, hahú kedas ko’alia ho opozisaun labele buat hotu-hotu liu, tanba iha maioria di’ak liu adopta programa ka despeza ne’e liu husi konsulta ho opozisaun.
Ramos Horta haktuir, Tanba maun bo’ot Xanana hateten no PR konkorda 100% buka halo dialogu para haree oinsá apoia governu, tanba governu ne’e sei nafatin governu Timor-Leste nian, VIII Governu ne’e mak kaer orsamentu.
Ho objetivu ida de’it mak povu labele mate hamlaha kosok oan sira labele terus liu tan, tanba situasaun agora difisil, mina Bimoli de’it agora 5 litrus ne’e sa’e too $ 15 uluk $ 4.50 agora $ 15, Purtantu ne’e governu sei iha difikuldade para trava hamlaha, hakotu nia. *Jos
