SEP Kontinua Kampana Vasinasaun Kontra Covid-19
Naunil Media (Ainaro), Iha loron (07/10 2021), Sekretáriu Estadu Péskas (SEP), akompaña husi xefe Gabinete Sekretariu Estadu Peskas- (SEP), kontinua halo Kampana sosializasaun Vasinasaun kontra Covid-19, Iha Aldeia Maulah-Hulu, suku Mulo, postu administrativu Hatu-Builiku, Munisipiu Ainaru.
Iha kanpaña vasinasaun ida ne’e, Sekretáriu Estadu Péskas, Elídio de Araújo, mos enkoraza nafatin ba komunidade Suku Mulo atu partisipa maximu iha vasinasaun ida ne’e, nune’e bele prevene aan husi moras Covid-19 no Variante Delta nune’e labele hadaet ba husi ema ida ba ema seluk,
“Ba komunidade sira ne’ebé mai partisipa iha kanpaña vasinasaun Covid-19 ida ne’e no bele atu hatutan informasaun ida ne’e ba ita nia maluk sira ne’ebé mak seidauk partisipa iha vasinasaun ho nune’e bele mai partisipa vasina.” Dehan Sekretariu Estadu Peskas Ilidio de Arauju.
Diretur Saude Postu Administrativu Hatu-Builiko, Autoridade lokal Postu Admintrativu Hatu-Builiko, Komandante Polisia Postu Hatu-Builiko, kontinua halo kampaña sosializasaun Vasinasaun kontra Surtu COVID-19 no halao iha Aldeia Maulah-Hulu, Suku Mulo, Postu Administrtivu Hatu-Builiko, Munisipiu Ainaro, Kuarta feira (07/10).
Nia haktuir saúde Profissional sira antes ne’e halo ona juramentu tamba nemak Estadu Timor-Leste fo fiar ba ita nia maluk Saude Profissional sira to mai iha suku Mulo halao ninia kna’ar no hamutuk ho SEP halo sosializasaun ho kampaña kontra Surtu Covid-19.
Iha fatin hanesan, Administradór Munisipiu Ainaro, Leovigilgo Amaral Pereira, haktuir, ba komunidade sira iha suku refere, tenke fiar ita nia saúde profissional sira tanba moras ida ne’e ameasa tebes ba ita nia moris no liu husi kampaña vasinasaun ida ne’e hamutuk ho ita nia saude profissional ita bele kontra surtu Covid-19 iha ita nia Aldeia no Suku no labele mate ba moras Covid-19 no Variante delta.
Atividade tuir mai sei kontinua nafatin halo kampaña sosializasaun vasina Covid-19 iha Suku Mulo, atu nune’e aktividade ne’e bele lao ba oin nafatin to’o atinzi Metas VIII Governu Konstitusional RDTL ne’ebe maka iha.
Hafoin Kampaña Sosializasaun Vasinasaun Covid-19 iha Suku refere, hodi kontinua fali ba Aldeia Aituto, Sentru Saude Hautio.
Akonpana Iha Sosializasaun ne’e Mak, Diretur Saude Postu Administrativu Hatu-Builiko, Autoridade lokal Postu Admintrativu Hatu-Builiko, Komandante Polisia Postu Hatu-Builiko. Media Oficer MAP
