Normaliza Ponte Becuse, Deputada “FRETILIN” Agradese Prezensa “Xanana”
Naunil Média (Díli), Ponte Becuse Sentral durante ne’e fo ameasa bo’ot ba komunidade sira ne’ebe hela iha area refere. Maibe prezensa lider karismatiku Xanana Gusmão bele rezolve ona.
Deputada Bankada Partidu, Frenti Revolusionariu Timor-Leste Indepedente (FRETILIN), Nelia Soares Menezes, Agredese prezensa lider nasional Kay Rala Xanana Gusmão iha Becuse Sentral, Tanba bele bele rezolve ponte Becuse ne’ebe durante ne’e fo ameasa bo’ot ba komunidade sira iha fatin refere.
“ Tanba ne’e ami agradese ba prezensa lider nasional, Xanana Gusmão ne’ebe husik ona tempu tu’un direitamente ba baze hodi organiza kompanhia hadi’a fondasi ponte Becuse ni’an ne’ebe durante ne’e sai ameasadu ba komunidadade sira,” Dehan Deputada Nelia Menezes, iha Plenaria Parlamentu Nasional (PN), Segunda, (10/01).
Nia Haktuir, Liu hosi apoiu Lider Nasional Xanana nian bele normaliza fali be’e iha ponte ne’e.
“ Hanesan mos komunidade Becuse nafatin agradese ba prezensa Avo Xanana ni’an iha Becuse Sentru ne’e. Tanba liu hosi nia tulun mak bolu kompanhia ida tu’un hodi normaliza mota iha igreja Becuse nia kotuk, No hadi’a mos fondasi ponte ni’an ne’ebe atu kotu, No mos governu ne’ebe haruka ona Institutu Jestaun Ekipamentu (IGE) fo mos resposta rapidu ba preokupasaun ne’ebe komunidade Becuse aprezenta.” Tenik nia hatutan.
Governu liu-liu Ministeriu Obras Publiku (MOP), Atu toma atensaun ba ponte Becuse tanba agora ne’e volume be’e hosi mota be’e anin nian ne’e bo’ot tebes. Bainhira tempu udan mota tama estraga komunidade sira nia uma inklui sasan iha area refere.
Iha fatin hanesan, Deputada, Virgina Ana Belo, kestiona katak, Ponte Becuse iha Becuse sentral ne’e la’os foin mak a’at, Maibe desde tinan hirak nia laran deputada sira levanta bebeik ona, Governu mos promete ona atu hadi’a maibe to’o agora seida’uk iha solusaun.
” Kada tinan governu promete atu hadi’a, Maibe to’o agora laiha realidade.
tanba ne’e, ita la hatene osan ne’e iha ka la’e? Nia husu.
Nia protesta katak, Osan ba hadi’a ponte ne’e keta iha numeru de’it karik, tanba problema infraestrutura ne’e promete ba promete maibe la realiza to’o agora. Ana
