MS Koopera ho SECOMS, Fahe informasaun Medidas Prevene Moras Dengue

Naunil Media, (Dili), Ministeriu Saúde (MS) hetan apoiu husi sekretáriu estadu komunikasaun sosial (SECOMS sigla portugés), atu bele fahe informasaun kona-bá medidas preventivas moras dengue.

Tuir Diretor Nasionál Saúde Públiku (DNSP) Frederico Bosco Alves Dos Santo informa, Ohin hetan apoiu husi Sekoms atu nune’e bele fahe informasaun kona- bá medidas preventivas ba moras dengue nian.

” Media sira presiza hato’o informasaun ho lolos ba komunidade atu nune’e sira,  bele kapta informasaun sira ne’e ho di’ak,  komunidade sira pratika medidas ne’ebé koresponde oinsa atu reduz moras dengue ne’ebé sai ameasa ba saúde públika”, dehan Diretór DNSP Frederico Bosco Alves dos Santo ba jornalistai hafoin realiza briefing ba média sira iha sala enkontru SECOMS Palásiu Governu, kinta (17/02).

Diretur DNPS ne’e hatutan, Kona-bá prevensaun moras dengue nian informasaun saida mak komunidade presiza komprende di’ak, no komunidade presiza hatene fatin sira ne’ebé mak susuk tolun ka aumenta sira nia númeru, depois tata ema barak liu tan, no fatin sira ne’e ita tenké buka atu esplika ba ita nia komunidade bele hatene.

Susuk ne’e gosta moris liu mak iha bee-moos vazu ai funan, tanke sira iha  haris fatin be nalihun iha uma sorin, no iha jelera nia kotuk, no fatin sira ne’e ikus mai susuk dengue ne’ebé lori moras dengue gosta moris ba, dehan nia.

“Susuk ne’e nia gosta ativu liu iha oras loron nian kompara ho kala,  entaun dala barak komunidade komprende sala iha oras loron lakoi uza rekelente no Autan ka lakohi toba iha muskiteiru, ne’e mak susuk aproveita tata sira tanba susuk buka hetan hahan iha oras loron nian”,Tenik Nia.

 Dalaruma sira proteze sira nia an iha oras kalan duke oras loron, entaun ne’e mak informasaun ne’ebé  presiza media ajuda atu bele fornese ba komunidade sira bele proteje sira nia an ho loloos, informa nia.

Iha fatin hanesan Diretór Nasionál Promosaun Dezenvolvimentu Media Lokal, Jose da Costa katak, Kooperasaun linñas ministeriais hodi kontribui oinsa atu haree ba saude públiku hodi hamenus númeru kazu dengue.

“SEKOMS apoiu MS atu partilha ka divulga informasaun liu husi media sira,  atu bele mos halo publikasaun iha media sira tan ne’e liu husi meius briefing ho media sira ne’e atu  informasaun ne’e to’o ba baze hanesan informasaun edukativa, informativa no knaar jornalista sira nian mós bele halo sosializasaun ba ita nia komunidade sira”,dehan Diretór Jose

Nia dehan, Enkuantu kooperasaun sei la’o nafatin SECOMS sei organiza meius komunikasaun sira ne’ebé iha tantu nasionál no munisípiu, tanba iha radiu komunidade sira nune’e kanal sira ne’e  sei utiliza maximu hodi prevene moras dengue. LTS