Horta Manan Iha Sentru Votasaun Farol Ho Votus 1.144
Naunil Media (Díli), Kandidatu Prezidente Repúblika (PR) ho númeru sorteiu 14, José Ramos Horta manán iha Sentru votasaun EBC númeru 1 Farol ho votus 1.144.
Bainhira remata kontazen de votus, João de Castro Souza nu’udar reprezenta Prezidente Sentru Votasaun EBC Farol Sábadu 19/03/2022, hateten eleitores ne’ebé mak vota iha sentru votasaun hamutuk 1953 no kandidatu ne’ebé mak manán ou votus barak mak kandidatu PR, José Ramos Horta ho votus 1.144.
“Ami pronunsia rezultadu ba ita bo’ot sira hanesan ohin dadersan totál votantes ne’ebé mak mai vota iha sentru votasaun EBC númeru 1 Farol mak hamutuk 1953, totál mane hamutuk 1.013 no totál feto hamutuk 940, depois totál votus ne’ebé mak tama iha kaixa laran mak hamutuk 1952”, dehan João
João esplika, totál votus ne’ebé mak ohin dadersan hotu-hotu ezerse ikus mai votu ne’ebé mak atribui ba kada Kandidatura mak hamutuk 1926 votus validu, votus nulu hamutuk 21, votus branco 3, votu reklamadu 1.
Nia dehan 1952 tanba votus ida iha estasaun votasaun 02 abandonadu ou husik hela iha urnas laran nune’e sira tau ona karimbu abandonadu, ne’ebé votus ida ne’e labele sura ona ba kada Kandidatura sira.
Observasaun Naunil Media iha sentru votasaun EBC Farol hatudu rezultadu, kandidatu númeru sorteiu 1 hetan votus 11, númeru 2 = 61, númeru 3 = 1, númeru 4 = 2, númeru 5 = 5, númeru 6 = 297, númeru 7 = 57, númeru 8 = 161, númeru 9 = 54, númeru 10 = 1, númeru 11 = 3, númeru 12 = 17, númeru 13 = 5, númeru 14 = 1144, númeru 15 = 2, númeru 16 = 105.*Jos
