FEATUREDIkus LiuNewsPolitika

Horta Husu Lú Olo Nia Tulun Buka Halo Dialogu Ho Líder Nasionál

Fahe Tutan

Naunil Media (Díli), Prezidente eleitu José Manuel Ramos Horta sei husu tulun ba aktual Prezidente Repúblika Francisco Guterres “Lú Olo” para buka apoiu halo dialogu ho líder nasionál no partidu sira ne’ebé iha Parlamentu no mós iha li’ur.

Prezidente eleitu José Manuel Ramos Horta hato’o lia hirak ne’e ba jornalista sira hafoin enkontru ho Prezidente Repúblika Francisco Guterres “Lú Olo” iha palásiu Prezidensiál Nicolau Lobato Bairru Pite, kuarta (27/04).

“Ha’u mós hateten, ha’u sei husu ba Prezidente nia tulun nia apoiu para ita buka halo dialogu ho líder nasionál sira ho partidu sira iha Parlamentu, iha li’ur para oinsá haklean demokrasia, haklean dame, hametin dame i oinsá ita book ita nia ekonómia ne’e di’ak la’o ba oin,” dehan Ramos Horta

Nia hateten halo dialogu ohin hahú kontaktu dadaun ho Prezidente no mós loron hira kontaktu tiha ona ho líder balun klaru ke maun boot Xanana maibé enkontru ona ho elementu balun guvernu para halo situasaun primeiru serimónia 19 Maiu no 20 Maiu ne’e la’o di’ak, depois tempu ba oin sei haree oinsá guvernu di’ak liu, bele forti liu para fo resposta ba dezafiu nasionál no dezafiu internasionál.

Ramos Horta mós hato’o nia admirasaun ba Prezidente no oferese aan ba oin buat ne’ebé presiza hanesan xefe estadu ou nu’udar individual no mós espera kaer ho knaar ne’e kestaun nasionál ou kesatun internasionál sempre buka rona prezidente sesante.

Horta hatutan tanba tinan 5 mai ne’e sai dezafiu boot iha area barak maibé inkluindu area ne’ebé importante tebetebes mak area ekonomia ke la’ós knaar Prezidente nian maibé kuandu haree krize ekonómika ruma, krize sosial, krize umanitaria ne’e labele hateten ona ne’e knaar Prezidente nian, tanba Prezidente iha autoridade para mobiliza guvernu, Parlamentu, komunidade internasionál para fo resposta ba krize.

Nia dehan, nu’udar lideransa nasionál primeiru objetivu haree prosesu serimónia 19 Maiu, 20 Maiu la’o didiak ho dignidade estadu nian, povu nian, sosiedade nian, buat hotu-hotu la’o dadaun hela, husi ekipa Prezidensiá ho Statal ho entidades sira partisipa iha prosesu ne’e laiha difikuldade ruma.*Jos

Leave a Reply

Your email address will not be published. Required fields are marked *